Sjónvarps- og samfélagsmiðlastjarnan Jessica Alves segist vera ótrúlega spennt fyrir því að stunda kynlíf og að hún geti ekki hætt að horfa á „nýju píkuna“ sína.
Jessica Alves vakti fyrst heimsathygli fyrir að hafa eytt rúmlega hundrað milljón krónum í fegrunaraðgerðir. Hún var þekkt sem „mannlega Ken-dúkkan“, áður en hún kom út sem transkona í byrjun árs 2020. Nú er hún þekkt sem Jessica Alves, hefur komið fram í fjölda sjónvarpsþátta og er vinsæl á samfélagsmiðlum.
Sjá einnig: „Ég er ekki skrímsli“
Jessica undirgekkst kynleiðréttingaraðgerð fyrir fimm dögum. Hún greinir frá því í viðtali í breska morgunþættinum This Morning. Hún sagði að hún horfi á „sjálfsmyrjandi“ (e. self-lubricating) píkuna sína „allan daginn.“
„Píkan mín lítur út eins og líffræðileg píka. Ég get ekki hætt að horfa á hana. Eftir þrjá mánuði mun hún virka eins og líffræðileg píka, hún verður teygjanleg og sjálfsmyrjandi.“
Jessica þurfti að halda aftur tárunum á einum tímapunkti, en aðgerðin er henni mjög merkingarbær. „Ég lofaði sjálfri mér því að ég myndi ekki að gráta. Lífið mitt byrjar núna. Ég ætla að halda áfram að koma fram í sjónvarpi. Ég hef komið fram í meira en 400 þáttum sem karlmaður og ætla að halda áfram sem kvenmaður,“ sagði hún.
Jessica kvaðst mjög spennt fyrir því að stunda kynlíf og að hún sé mun öruggari núna gagnvart því að fara á stefnumót og sofa hjá.
Jessica fór í aðgerðina í Taílandi og dvelur þar enn á meðan hún er að jafna sig.
