Hér er hún komin, brakandi fersk stjörnuspá fyrir vikuna. Hvað segja stjörnurnar um næstu viku ?
Hrútur
21. mars–19. apríl
Duglegi klári Hrútur. Þú færð krefjandi verkefni í vinnunni sem þinn klári heili trompar auðveldlega. Þú vekur athygli í vinnunni og færð verðskuldað hrós fyrir vel unnin störf. Þetta er einstaklega gott fyrir sjálfstraust þitt því þú ert ekki sá besti í að upphefja sjálfan þig.
Naut
20. apríl–20. maí
Ertu tilbúið fyrir breytingar? Það skiptir ekki máli því það er það sem koma skal. Þannig að núna skaltu undirbúa þig vel og vandlega, því það verða ófáar breytingar og ýmislegt mun koma í ljós í vikunni. Við vöxum í breytingum.
Tvíburi
21. maí–21. júní
Hæfileikaríki tvíburi. Bjartari dagar veita þér innblástur og þú ferð að föndra eins og vindurinn. Hvort sem þú ferð að dútla við heimilið, mála ný listaverk, elda stórbrotna máltíð, prjóna peysu eða binda hengi fyrir blómapottana. Þú munt skapa eitthvað handgert og fallegt.
Krabbi
22. júní–22. júlí
Þú lærir að útdeila verkefnum og fá aðstoð þessa vikuna. Þú þarft ekki alltaf að gera ALLT sjálfur. Og þegar maður lærir þetta þá nær maður að vaxa enn frekar í því sem maður er að sinna. Gerðu það sem þú gerir best – en ekki gera allt. Góð verkaskipting er lykillinn.
Ljón
23. júlí–22. ágúst
Pásan er búin, hlutirnir loks að fara vel af stað og gamlir draumar að rætast. Alheimurinn þakkar þér fyrir þessa þolinmæði og kemur nú færandi hendi.
Meyja
23. ágúst–22 .sept
Stundum verður maður upptekinn af vandamálum annarra þegar maður er ómeðvitað að hunsa sín eigin. Hvað er að angra þig elsku Meyja? Hvað er það sem þú þarft að horfast í augu við?
Vog
23. sept–22. okt
Vogin er að taka sig á í meðvirkni sinni og það gengur prýðisvel. Það er góð tilfinning að segja það sem þú þarft að segja án þess að þurfa að fegra það skrilljón bleikum blómum. Þú verður stolt af samskiptum þínum við aðra þessa vikuna.
Sporðdreki
23. okt–21. nóv
Ka-tjing! Það eru peningar í þínum kortum. Annað hvort nærðu að semja um betri laun eða færð vel launað verkefni. Ekki eyða því öllu á sama stað en leyfðu þér samt smá spreð.
Bogmaður
22. nóv–21. des
Elsku upptekni Bogmaður. Það er afkastamikil vika framundan hjá þér. Passaðu þig að týna þér ekki í kaosinu. Nú skiptir mestu máli að vanda til verka, halda einbeitingu og skipulagi í toppstandi. Það verður þá allavega tilefni til þess að fagna í lok vikunnar. Áfram þú!
Steingeit
22. des–19. janúar
Óvænt heimsókn eða símtal mun leiða til nýrra verkefna þessa vikuna. Skemmtilegt samstarf er í kortunum þínum og það mun koma frá ólíklegum stað. Nálgastu tækifærin með opnum huga!
Vatnsberi
20. janúar–18. febrúar
Það er andleg vika framundan hjá Vatnsberanum. Þú munt loksins komast í hugleiðslugírinn og gefur þér tíma til að rækta það á hverjum einasta degi. Með þessu áframhaldi kemur þú til með að verða besta útgáfan af sjálfum þér.
Fiskur
19. febrúar–20. mars
Það er svakaleg bókavika framundan hjá Fisknum. Annað hvort munt þú byrja á því að skrifa þína eigin bók eða lesa þær ansi margar. Þú vilt bæta við þig þekkingu og fróðleik og verður þess vegna með nefið ofan í bókum alla vikuna.
