Hér er hún komin, brakandi fersk stjörnuspá fyrir vikuna. Hvað segja stjörnurnar um næstu viku ?
Hrútur
21. mars–19. apríl
Loksins fara atvinnumál að detta í farveg og rútínu. Þú þarft aðeins að venjast því að vera meðal vinnufélaganna á ný og rifja upp hvað þau nú heita öllsömul og hvað þau gera innan fyrirtækisins. Þú nærð góðri einbeitingu í þessari viku.
Naut
20. apríl–20. maí
Persónulegur ávinningur er í kortunum hjá Nautinu. Mikill kraftur með Nautinu þessa vikuna. Ég er leiðtogi lífs míns, er mantran þín, og þú ert spennt/ur fyrir komandi tímum. Allt upp á við og á réttri leið.
Tvíburar
21. maí–21. júní
Tvíburinn er áfram smá tvístígandi og á erfitt með að taka ákvarðanir. Hvað á að vera í matinn reynist honum meira segja erfitt! Mundu bara eins og allt annað þá er þetta bara tímabil og líður hjá.
Krabbi
22. júní–22. júlí
Það er brjálað að gera! Og þú kannski ekki alveg nógu vel upplagður því þetta er óvænt og fljót breyting. Hvað getur þú gert til að hlúa að sjálfum þér og takast þar af leiðandi betur á við þessa skemmtilegu uppskeru sem er að flæða til þín?
Ljón
23. júlí–22. ágúst
Þú ferð í sleik við spegilinn – mikið lítur þú vel út beibí, frábært hár! Það er kominn tími fyrir smá sjálfsást og sjálfsöryggi. Haltu áfram að gera það sem þú ert að gera, það er að virka. Sjálfsöryggi hjálpar þér að takast á við öll önnur mál í lífinu.
Meyja
23. ágúst–22 .sept
Elsku Meyja. Þú, af öllum, ert meira segja komin með leið á því að skipuleggja og litaraða bókunum heima hjá þér! Þér leiðist þessa vikuna og þráir eitthvað gott, nýtt og krefjandi verkefni. Prófaðu að biðja um meiri ábyrgð í vinnu og kannski bara stöðuhækkun í leiðinni.
Vog
23. sept–22. okt
Þú ert að flýta þér svo hægt inn í nýja árið að þú ferð í gegnum daginn hálfsofandi, vaknar aldrei alveg. Skelltu þér í sjósund eða plataðu vin að draga þig út að hlaupa, þig vantar smá spark í rassinn til að koma þér betur af stað. Og mundu að taka vítamínin þín!!
Sporðdreki
23. okt–21. nóv
Ef þú deyrð á morgun viltu í alvöru að sellerídjús hafi verið það síðasta sem þú borðaðir? Á meðan við kunnum að meta agann þinn þá má nú líka alveg leyfa sér aðeins. Stjörnurnar hvetja þig til að lofa þér 1-2 svindldögum þú þarft á þeim að halda. Við lofum að segja engum.
Bogmaður
22. nóv–21. des
Bogmaðurinn mun eiga eitt „aha„ móment á næstu dögum, hvað það verður sem mun valda því vitum við ekki nákvæmlega, en það mun hafa í för með sér jákvæðar breytingar. Stundum getur annað sjónarmið eða viska einhvers annars haft mikil áhrif á aðstæður.
Steingeit
22. des–19. janúar
Okkur langar að gefa þér rafrænt „high five„ því það er eins og þú hafir verið a finna kúlið þitt aftur og þegar við meinum það þá meinum við þitt sanna sjálf og nýjan tilgang sem færir þér hamingju.
Vatnsberi
20. janúar–18. febrúar
Við sjáum hér gæðastundir með vinum og fjölskyldunni, jafnvel bústaðarferð og dagsferðir í sveitina. Áreynslulaus vika þar sem þú ert bara í flæðinu samviskulaust og nýtur hverrar mínútu. Þetta er kannski bara takturinn fyrir árið og ekki er það amalegt.
Fiskar
19. febrúar–20. mars
Já, það er fullkomlega eðlilegt að þurfa frí eftir fríið sitt! Janúar er bara endalaus og dimmur, þú mátt eiga markmið í febrúar, í millitíðinni máttu bara vera í dýrseðlinu, borða þegar þú finnur til svengdar og sofa þegar þú þarft svefn. Netflix og chill fram undan…
