Amor er ekki í sóttkví þó einhleypir íslendingar geti ekki leyft sér að stunda skemmtistaði. Það hreinlega rýkur úr Tinder þessa dagana en fyrirtækið býður notendum sínum upp á fría uppfærslu í svokallað Passport eða Vegabréf í viku til að stytta sér stundir. Það þýðir að notendur geta hlaðið upp stefnumótum eftir mun víðari staðsetningu en áður.
Þetta góða og eftirsótta fólk hérna á listanum er þó allt statt á Íslandi en skyldi það vera á Tinder?
Fjölmiðlakonan Guðrún Sóley Gestsdóttir starfar á RÚV og hefur gefið út matreiðslubók. Guðrún státar af bjartasta brosi landsins og þykir einstaklega skemmtileg, fer í fjallgöngur og er sannkallað orkubúnt.
Ungstirnið Jafet Máni er 22 ára gamall upprennandi sjónvarpstjarna. Jafet hóf feril sinn í Þjóðleikhúsinu þar sem hann lék í Kardimommubænum og er í dag með þættina Framm á við á Rúv núll þar sem hann ræðir við unga frumkvöðla og viðskiptafólk.
Fyrirsætan og áhrifavaldurinn Bryndís Líf, 23 ára, greindi frá því í mars síðastliðnum að hún væri komin aftur á markaðinn. Bryndís leggur stund á sálfræði og þekkt fyrir að birta af sér djarfar myndir. Hún er með 27 þúsund fylgjendur á Instagram svo það þíðir ekki fyrir hana að krækja sér í feiminn kærasta.
Íþróttakonan Sara Sigmundsdóttir er fyrirferðarmikil í CrossFitt-heiminum og með 1,7 milljón fylgjendur á Instagram. Sara er einstaklega metnaðargjörn og jákvæð.
Áslaug Arna dómsmálaráðherra er ein eftirsóknarverðasta einhleypa kona Íslands í dag. Hún þykir mikil stemmingsmanneskja og hörkudugleg.
Halldór er rithöfundur sem slegið hefur í gegn með bókum á borð við Drón og Aftur og aftur en næsta bók hans kemur út í haust. Hann er hugsuður mikill, gullfallegur og hugmyndaríkur. Hann er einnig með fasta pistla á Rás 1.
Rithöfundurinn, sjónvarpskonan og gleðisprengja Björg er sannkallað kostabúnt. Landsmenn þekkja hana út þættunum Kappsmál standa þar sem hún kippir reglulega í munnvik áhorfenda með hnyttnum svörum og smitandi hlátri. Björg er einnig ein af höfundum sjónvarpsþáttanna Ráðherrann sem margir sjónvarpsunnendur bíða eftir með óþreyju.
Fyrrum fréttamaðurinn Sigursteinn Másson er einhleypur. Hann var í forsíðuviðtali hjá DV í síðustu viku og sagðist vera opinn fyrir ástinni. Myndarlegur maður með stórkostlega rödd.
Söngvarinn góðkunni er ættaður frá Dalvík, elskar Eurovision og er í hörkuformi. Hann er einnig ástríðukokkur með góðan húmor.
Athafnamaðurinn Sigmar Vilhjálmsson er skráður einhleypur á Facebook.
Leikarinn fransk ættaði Tómas Lemarquis hefur slegið í gegn í erlendum kvikmyndum á borð við Blade Runner 2049 og X-Men: Apocalypse.
Jón Trausti Reynisson og Ingibjörg Dögg Kjartansdóttir, ritstjórar Stundarinnar, eru bæði einhleyp. Fantagóðir pennar, sjarmerandi bæði tvö og óhrædd við áskoranir.
