Söngkonan Ragnheiður Gröndal og gítarleikarinn Guðmundur Pétursson eiga bæði afmæli í jólamánuðinum mikla. DV lék forvitni að vita hvernig þessi desemberbörn eiga saman þegar litið er til stjörnumerkjanna.
Ragnheiður og Guðmundur eru bæði Bogmenn. Bogmaðurinn er eldmerki og fullur af lífi. Það er frábær tilfinning að sjá tvo Bogmenn koma saman og ást þeirra blómstra, það er eins og að fylgjast með barni vaxa úr grasi. Ragga og Gummi, eins og þau eru kölluð, eru bæði afreksfólk í tónlist og eldmóðurinn fyrir listinni sameinar þau.
Það er aldrei langt í fjörið. Þegar við hugsum um tvo Bogmenn í sambandi þá gætum við alveg eins hugsað um tvo unglinga sem þykir allt fyndið. Bogmaður verður auðveldlega ástfanginn, þeim tekst að aðlagast hvor öðrum auðveldlega, en eiga það til að breyta skoðunum sínum og tilfinningum sínum til hvor annars jafn auðveldlega.
Samkvæmt stjörnunum er pörun tveggja Bogmanna yfirleitt ekki til langtíma, en það kemur reglulega par sem gefur skít í líkurnar og verður svo ástfangið að ekkert kemst á milli þeirra.
Bogmaður
15. desember 1984
Bogmaður
6. desember 1972
