Bandarísku forsetahjónin Donald Trump og Melania Trump kynntust í september 1998. Þau gengu í það heilaga árið 2005. DV lék forvitni á að vita hvernig forsetahjónin eiga saman ef litið er til stjörnumerkjanna.
Donald Trump er Tvíburi og Melania er Naut. Pörun þessara stjörnumerkja er með þeim erfiðustu og það getur verið erfitt fyrir hinn margslungna Tvíbura og hið þrjóska Naut að koma saman.
Nautið reiðir sig á hefðir, stöðugleika og rólegheit til að komast í gegnum lífið. Á meðan þarf Tvíburinn að fikta í vogarskálunum hvert sem hann fer, þar sem honum leiðist mjög auðveldlega.
Miðað við hvernig Donald er oft með drama á Twitter og hvernig Melania afber það, þá gætu stjörnumerki þeirra ekki lýst þeim betur. Þó að parið deili ekki sömu áhugamálum finnur það leið til að tala saman og skemmta sér saman. Þegar öllu er á botninn hvolft þá mun sambandið aðeins ganga ef þau leggja sig bæði fram.
Tvíburi
14. júní 1946
Naut
26. apríl 1970
