Nafnið Jesse Heiman hringir engum bjöllum en þú hefur alveg örugglega séð hann. Hann skartar ferilskrá sem flesta leikara dreymir um og er gjarnan kallaður „besti aukaleikari í heimi“.

Jesse er 42 ára og hefur meðal annars komið fram í kvikmyndunum The Social Network, American Pie, Catch Me If You Can, Old School og Spiderman. Hann fær lítið að leika þar sem hlutverk hans eru smávægileg og krefjast þess venjulega að hann haldi sig í bakgrunninum. Hann hefur bæði leikið á hvíta tjaldinu og á sjónvarpsskjánum.

Þú hefur kannski séð honum bregða fyrir í sjónvarpsþáttunum How I Met Your Mother, The O.C., My Name is Earl, Glee, Criminal Minds, Parks and Recreation og Arrested Development. Hann hefur þrisvar sinnum komið fram í The Big Bang Theory, í eitt skipti sem „nörd í myndasögubúðinni á Valentínusardaginn“.

Þetta „nördaútlit“ virðist skila sér í vinnu. Hann leikur oft nemanda, eins og í Austin Powers in Goldmember og í Freaky Friday lék hann „nemanda í kennslutíma“.

Starfsferill Jesse er langur og glæsilegur. Hann kom fram í sínu fyrsta aukahlutverki í American Pie 2 árið 2001. Síðan þá hefur hann komið fram í fleiri en hundrað þáttum og kvikmyndum. Hann er líklega frægasta „nobody“ í heimi.

It’s Always Sunny In Philadelphia

American Pie 2

The Big Bang Theory

Catch Me If You Can

Curb Your Enthusiasm

Entourage

Glee

The O.C.

The Social Network

Spiderman

Parks and Recreation

Old School

How I Met Your Mother