Foreldrarnir Victor og Jessica verða fyrir fordómum vegna útlits þeirra.  Þau eru bæði verulega tattúveruð, sérstaklega Victor. Hann hefur gert margt annað til að breyta útliti sínu, eins og að tattúvera augun, fjarlægja aðra geirvörtuna, skipta tungunni í tvennt og stækka götin í nefinu og eyrunum.

Truly fjallar um fjölskylduna.

Victor byrjaði að breyta líkama sínum þegar hann var þrettán ára gamall og hefur ekki hætt síðan. Hann segir að sársaukafyllsta aðgerðin hafi verið að teygja á báðum götunum í nefinu (e. nose stretchers).

Victor er gatari (e. body piercing artist) og Jessica er grafískur hönnuður. Þau búa í Brasilíu og segjast verða fyrir miklum fordómum.

„Fólk reiknar ekki með því að við séum góðir foreldrar,“ segir Jessica.

Parið á soninn Nikolas sem er þriggja ára gamall. „Hann horfir á okkur og finnst við falleg. Ef við fáum okkur nýtt tattú þá horfir hann á það og segir: „Vá fallegt.“ Hann langar í tattú og við segjum við hann að hann megi fá þegar hann verður orðinn nógu gamall,“ segir Jessica.

Fjölskylda Victor gagnrýndi hann harðlega þegar hann byrjaði að breyta útliti sínu. Foreldrar hans hentu honum út á götuna þegar hann var þrettán ára gamall og hann talaði ekki við móður sína í tvö ár.

Fjölskylda Jessicu var  mjög ósátt með makaval hennar. „Um leið og við opinberuðum samband okkar á Facebook varð líf mitt að lifandi helvíti. Ég missti næstum alla vini mína. Fólk dæmdi hann án þess að þekkja hann. Það hélt að hann væri dópisti og sagði að hann yrði hræðilegur pabbi. En um leið og fjölskylda mín kynntist Victor sá hún að hann er frábær manneskja og yndislegur faðir,“ segir hún.

https://www.instagram.com/p/CDtUy7lsyQy/

Foreldrarnir hafa stofnað Instagram-síðu til að vinna gegn fordómunum sem þau verða fyrir.

„Fólk býst ekki við því að við séum með vinnu eða förum í kirkju. Hvað þá að við ölum upp barnið okkar með ást,“ segir Victor.

„Vonandi breytist það í framtíðinni. Það passa allir í einhvern kassa, en ekki við. Við viljum vera öðruvísi. Við viljum ekki vera eins og allir aðrir,“ segir Jessica.

Horfðu á þátt Truly hér að neðan.