Hér er hún komin, brakandi fersk stjörnuspá fyrir vikuna. Hvað segja stjörnurnar um næstu viku ?
Hrútur
21.03. – 19.04.
Það er góður tími til að hlaða batteríin þar sem verkefnin verða ófá þegar líða fer á næsta mánuð. Njóttu þesara síðustu daga sumarsins án samviskubits. Vinasamband styrkist í vikunni með góðu trúnókvöldi.
Naut
20.04. – 20.05.
Eftir ágætis ró er allt að fara af stað á ný. Tækifæri og verkefni laðast að þér. Þú finnur að þú þarft að velja rétt fyrir sálina og mögulega byrja að færa út kvíarnar. Ef þig langar að breyta um starfsgrein þá er tíminn núna, eitt námskeið gæti verið fyrsta skref í rétta átt.
Tvíburar
21.05. – 21.06.
Það eru flutningar í þínum kortum! Pakka í kassa, henda, raða, velja og hafna … hvort sem það er í orðsins fyllstu merkingu eða myndlíking, þá á tiltekt vel við þessa vikuna. Kaflaskipti eiga hér við og þú býður nýjan, spennandi tíma velkominn.
Krabbi
22.06. – 22.07.
Nýtt starf mun krefjast allrar þinnar athygli þessa dagana. Þú finnur skiljanlega fyrir smá óróa í nýju hlutverki. Hugaðu vel að sjálfri/um þér, anda inn og anda út. Þetta mun allt ganga feykivel hjá þér, bara að taka eitt skref í einu.
Ljón
23.07-22.07.
Ljónið er smá kvíðið yfir að sumarið sé að líða undir lok og að það hafi ekki gert allt á óskalistanum. Ekki eru allir jafn spenntir fyrir komandi stundatöflum og fastari skorðum. Ekki örvænta, finndu þinn tíma í hversdagsleikanum og haltu lengur í sumarið.
Meyja
23.08. – 22.09.
Meyjan fær smá krefjandi viku, þar sem hún þarf að hugsa í lausnum. Eitthvað sem þú varst búin/n að sjá fyrir þér mun ekki ganga alveg að óskum en þá er það undir þér komið að vinna vel úr þeim aðstæðum. Mögulegt lán í óláni ef þú sérð það í réttu ljósi.
Vog
23.09. – 22.10.
Vertu ljúf við sjálfa þig, elsku Vog, jafnljúf og þú ert við aðra. Óþarfa kröfur til sjálfs/sjálfrar þín leysa engan vanda. Ekki láta skipulags-vetrar- orkuna taka yfir og skemma fyrir.
Sporðdreki
23.10. – 21.11.
Fyndið hvernig eitt samtal leiðir af öðru, saklaus hugmynd mun allt í einu vinda upp á sig og skemmtilegt samstarf fylgja í kjölfarið. Það er gaman að sjá hvað þú ert opin/n fyrir nýjum tækifærum, því það er einmitt þannig að hið óvænta fær að koma í ljós.
Bogmaður
22.11. – 21.12.
Stundum finnst þér eins og enginn skilji það sem þú leggur af mörkum. Í þessari viku munt þú þurfa að eiga erfitt samtal við fjölskyldumeðlim, sem mun þó fara betur en þú þorðir að vona. Smá strembin vika en með því að vera samkvæm/ur sjálfri/um þér, þá færðu að uppskera.
Steingeit
22.12. – 19.01.
Þú þarft að leggja mikið á þig þessa vikuna til að setja þig í spor einhvers annars. Við sem mannfólk sjáum allt frá mismunandi sjónarhornum og stundum erum við jafnvel með sömu hugmyndir og staðla og aðrir, ef við gefum okkur bara smá tíma til þess að hlusta hvert á annað og mætast á miðri leið.
Vatnsberi
20.01. – 18.02.
Fólk virðist sækjast í þig þessa vikuna til að biðja um ráð og aðstoð. Gefðu það sem þú átt og settu mörkin þar sem þú finnur að þú átt að gera það. Það er gott að gefa af sér, en líka mikilvægt að vernda sinn tíma og orku.
Fiskur
19.02. – 20.03.
Ef það er einhver sem er tilbúinn í rútínu á ný þá ert það þú, elskulegi fiskur. Hlutirnir hafa verið aðeins of yfirþyrmandi og þú nýtur þess svo að sjá allt fara að detta í réttan og farsælan farveg á ný. Skál fyrir rútínunni!
