Hér er hún komin, brakandi fersk stjörnuspá fyrir vikuna. Hvað segja stjörnurnar um næstu viku ?
Hrútur
21.03. – 19.04.
Það eru samningar í kortunum hjá Hrútnum, atvinnu- eða húsnæðistengdir. Allavega skemmtilegar breytingar sem munu krydda vel upp á tilveruna. Þú ert vel endurnærð/ur eftir langa helgi og tilbúin/n í nýtt ævintýri
Naut
20.04. – 20.05.
Elsku magnaða Naut. Það eru spennandi kraftar í kringum þig. Þú laðar að þér tækifæri og nýja vini sem finna fyrir þessum krafti þínum. Þessi nýja orka og fólkið sem fylgir mun skila sér í skemmtilegu verkefni ef þú ert tilbúin/n að taka sjénsinn.
Tvíburar
21.05. – 21.06.
Einhver hugmynd sem þú ert búin/n að ganga með lengi kemst loks í framkvæmd. Þetta eru lítil skref en þó skref í réttu áttina. Einhver utanaðkomandi mun koma með lausnina sem þú þurftir til þess að koma þessari hugmynd í framkvæmd.
Krabbi
22.06. – 22.07.
Kæri Krabbi. Stjörnurnar minna þig á að við breytum ekki fólki. Sumir þurfa að ganga í gegnum ákveðnar raunir til þess að fá uppljómun eða þroskast á sinn hátt. Ekkert sem við gerum getur flýtt því ferli. Þetta er góður tími til að stíga til hliðar og einbeita þér að sjálfum þér.
Ljón
23.07-22.07.
Einhver kennslustund er í kortunum þínum þar sem þolinmæði þín er æfð. Að reyna að sjá hlutina í öðru samhengi eða út frá sjónarmiði hins aðilans getur hjálpað þér að setja aðstæður í betra jafnvægi.
Meyja
23.08. – 22.09.
Það er svo fyndið hvernig andstæður geta dregist saman. Þessi vika er Yin-Yang vikan þín þar sem tengsl, jafnvel rómantísk tenging, koma úr óvæntri átt. Mögulega hefur þú fundið fyrir þessu áður en það verður erfiðara að afneita því þessa vikuna… Vertu opin/n fyrir þessu.
Vog
23.09. – 22.10.
Veðrið speglast í þér og ég held að það sé rigning mest alla vikuna… Þú ert ekki leið/ur en örlítið melankólísk/ur og heimakærari, sem sakar svo sem ekki þessa daga. Nýttu dagana í að hafa það kósí með kertaljósi og bók.
Sporðdreki
23.10. – 21.11.
Að sýna viðkvæmu hliðina á sér er vissulega líka styrkleiki. Þú mátt æfa þá hlið á þér í vikunni. Talaðu við fólkið þitt og biddu um aðstoð. Þú þarft ekki að sigra heiminn alla daga, annan hvern dag dugar til.
Bogmaður
22.11. – 21.12.
Einhver segir eitthvað sem verður misskilið. Ekkert sem ekki er hægt að laga en góð samskiptaæfing samt sem áður. Stundum þarf bara að ræða málin aðeins betur. Í þessu tilfelli eru öll að leita eftir sömu niðurstöðu, þau þurfa bara meira pláss til að ræða málin og einhvern til þess að hlusta.
Steingeit
22.12. – 19.01.
Þú finnur fyrir mikilli þörf til að taka heilsuna í þínar hendur. Mögulega hefur þú ekki verið að hugsa nógu vel um andlega og líkamlega heilsu og verið meira í „æ, bara á morgun-stuði.“ Þú færð nú aukinn þrótt til að verða besta útgáfan af sjálfri/sjálfum þér. Áfram, þú!
Vatnsberi
20.01. – 18.02.
Frímínúturnar eru búnar! Tími til þess að komast í rútínu og finna sér markmið og mögulega leita til markþjálfa! Þú ert orðin/n eirðarlaus og vilt koma einhverju í verk en átt virkilega erfitt með það. Góður, stuttur framkvæmdalisti gæti hjálpað til.
Fiskur
19.02. – 20.03.
Hæ, elsku Fiskur. Við elskum þig og viljum nýta þennan dálk til þess að segja þér það. Við vitum að síðustu vikur og mánuðir hafa reynt á en við lofum að kosmósið er alveg að verða búið með þennan rússíbana. Þá munt þú svo sannarlega uppskera. „Just keep swimming.“
