Kvikmyndin, Eurovision Song Contest: The Story of Fire Saga kom inn á efnisveituna Netflix í morgun. Stórleikarinn Jóhannes Haukur Jóhannesson er einn þeirra íslensku leikara sem bregður fyrir í myndinni sem tekin var að hluta til upp á Húsavík. Jói eins og hann er kallaður kom sér fyrir í sófanum í morgun og horfði á myndina. „Þetta er meistaraverk. Enn ein skrautfjöðrin í hatt Will Ferrells og þessi fjöður er í íslensku fánalitunum.“

Í myndinni fara Ferrell og Rachel McAdams með hlutverk íslensku Eurovision-faranna Lars Erickssong og Sigrit Ericksdottir.  Pierce Brosnan fer einnig með hlutverk auk fjöldra íslenskra leikara. Má þá helst nefna Ólaf Darra Ólafsson, Nínu Dögg Filippusdóttir, Björn Hlyn Haraldsson, Björn Stefánsson, Arnmund Ernest Björnsson, Guðmund Þorvaldsson og Jóhann Jóhannsson.

Myndin hefur ekki hlotið góða dóma en kvikmyndagagnrýni The Guardian gaf henni tvær stjörnur og sagði það vel í lagt. Það væri hins vegar áhugavert að heyra hvort gagnrýnendur væru almennt hrifnir af Eurovision-keppninni sem er gjarnan sögð eiga sinn eigin sértrúarsöfnuð. Það er þó ástæðulaust að láta dæma myndina fyrir sig, poppskálin og sófinn bíða heima en ekki þykir ólíklegt að samfélagsmiðlar muni loga af álitum almennings áður en helgina er á enda.

https://www.facebook.com/552612066/posts/10159889041367067/