„Ég horfi mikið á sjónvarp, finnst fátt betra en að henda mér í sófann að loknum góðum degi og horfa á góðan sjónvarpsþátt eða kvikmynd.

Ég er nýbúin að horfa á seríuna Dead To Me sem er á Netflix. Afar góðir þættir. Vel skrifaðir og ganga fullkomlega upp að mínu mati. Flottir leikarar í helstu hlutverkum. Góð blanda af spennu, húmor og drama.

Þættirnir Easy eru einnig á Netflix og koma skemmtilega á óvart. Fjalla um samskipti kynjanna hvað varðar uppeldi, rifrildi, ást, kynlíf og fleira. Hver þáttur er sjálfstæður og því ekki um framhald að ræða. Rétt um hálftíma langir þættir. Virkilega góðir.

Sería 2 í Killing Eve var að byrja. Sería 1 var algjörlega frábær og sería 2 gefur þeirri fyrri ekkert eftir. Fjallar um lögreglukonu sem er að eltast við kvenkyns fjöldamorðingja. En virðing þeirra fyrir hvor annarri er pínu að þvælast fyrir.

Svo er það Masterchef Australia. Skil ekkert í íslensku sjónvarpsstöðvunum að sýna ekki þá þætti. Bestu matreiðsluþættir sem hafa verið gerðir. Kann sjálfur ekkert að elda en ég elska þessa þætti. Raunveruleikaþættir eins og raunveruleikaþættir eiga að vera. Masterchef USA eru barnaþættir miðað við þessa.“