Aaron Carter segir frá reynslu sinni af Michael Jackson í nýrri klippu fyrir þættina Marriage Boot Camp: Reality Stars Family Edition. Aaron Carter mun koma fram í þáttunum.
Fyrrverandi barnastjarnan segir ekki mikið en segir að poppkóngurinn hafi verið einu sinni „frekar óviðeigandi.“
„Michael var rosalega góður gaur eftir því sem ég best veit, rosalega góður gaur,“ sagði Aaron.
„Hann gerði aldrei eitthvað alveg, hann gerði aldrei neitt sem var óviðeigandi fyrir utan eitt skipti. Það var einn hlutur sem hann gerði sem var frekar óviðeigandi.“
Aaron greindi ekki frá því frekar hvað það Michael gerði sem hafði verið óviðeigandi.
Heimildarmyndin Leaving Neverland kom út í mars á þessu ári og hefur vakið mikla athygli á undanförnum mánuðum. Í myndinni er fjallað um meint kynferðisofbeldi Michael Jackson gegn ungum drengjum.
Hægt er að lesa meira um heimildarmyndina og umræðuna sem hefur myndast í kringum hana með því að ýta á „Leaving Neverland“ hér að neðan.
