Í dag hefur göngu sína nýr hlaðvarpsþáttur á DV sem heitir Föstudagsþátturinn Fókus. Um er að ræða vikulegan þátt í umsjón dægurmáladeildar DV verða ýmis málefni líðandi stundar tækluð. Undir hatt dægurmáladeildar DV falla undirsíðurnar Fókus, Bleikt og Matur og því er óhætt að lofa því að efnistök verða fjölbreytt í þættinum.

Fyrstu föstudagsþátturinn er í umsjón Guðrúnar Óskar Guðjónsdóttur og Anítu Estívu Harðardóttur. Gestir þeirra eru samfélagsmiðlastjörnurnar Gerður Arinbjarnardóttir, oftast kennd við Blush, og Reynir Bergmann, eða Reynir Snappari. Umræðuefnið? Illt umtal á samfélagsmiðlum, gagnrýni og neikvæðar athugasemdir.

Það kennir ýmissa grasa í þættinum, en bæði eru Gerður og Reynir sammála um að óþægilegustu viðbrögðin séu þau sem snerta fjölskyldur þeirra beggja.

„Ég held að erfiðustu skilaboðin, ljótustu skilaboðin sem maður fær yfir höfuð, eru ekki þau sem endilega snerta mig sjálfa heldur fjölskyldu mína og vini. Þetta er minn leikur að vera með samfélagsmiðla, þetta á ekki að þurfa að bitna á fólkinu í kringum mig,“ segir Gerður og Reynir er sama sinnis. „Já, maður fær móral.“

Þá segir Reynir að fjölskyldan hafi oft beðið hann um að hætta á samfélagsmiðlum, sér í lagi þrettán ára dóttir hans sem er kölluð Snapparabarnið í skólanum. Bæði Reynir og Gerður hafa fengið mörg óþægileg og óviðeigandi skilaboð á sínum áhrifavaldaferli, en rosalegustu skilaboðin sem Reynir hefur fengið voru of gróf til að lesa upp.

Fylgið Gerði á Instagram með því að smella hér – Fylgið henni á Snapchat með því að smella hér.

Fylgið Reyni á Instagram með því að smella hér – Fylgið honum á Snapchat með því að smella hér.

Horfið á Föstudagsþáttinn Fókus í heild sinni hér fyrir neðan: