fbpx
Þriðjudagur 29.apríl 2025
Fókus

Magnea fer yfir lífið í Los Angeles – Klessti lúxuskerru á leið í afmæli Chris Brown

Lilja Katrín Gunnarsdóttir
Sunnudaginn 28. júlí 2019 21:00

Magnea setur sér markmið og nær þeim. Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Magnea Björg Jónsdóttir er 24ra ára Breiðhyltingur sem dýfði sér svo sannarlega í djúpu laugina fyrir fimm árum þegar hún flutti nítján ára gömul til Los Angeles í Bandaríkjunum. Það má segja að Magnea hafi lifað draumalífinu þessi fimm ár, rekið lúxusbílaleigu fyrir fræga fólkið í Los Angeles og kynnst því hvernig er að standa á eigin fótum. Magnea er nýjasti gestur hlaðvarpsþáttar dægurmáladeildar DV, föstudagsþáttarins Fókuss.

Sjá einnig: Magnea rekur lúxusbílaleigu í Beverly Hills – Dýrasti bíllinn á 60 milljónir.

Að hitta fræga er daglegt brauð

Stærsti kúnnahópur Magneu er rapparar, fólk í grasbransanum, þar sem gras er löglegt í Kaliforníu, frægt fólk, leikarar og Instagram-fyrirsætur. Aðspurð hvort það sé ekki mikil pressa að hugsa um svo dýra bíla fyrir fólk sem kallar ekki allt ömmu sína segir hún það vissulega vera svo.

Magnea fylgir sínum draumum stolt. Mynd: Úr einkasafni

„Þetta eru bara eins og litlu börnin mín,“ segir hún og rifjar upp eina skiptið sem hún hefur klesst bíl. „Það var algjört óhapp. Ég var ekki einu sinni úti í umferðinni, ég bara bakkaði á kant. Bíllinn þurfti að vera í viðgerð í tvo mánuði. Að lokum seldi eigandinn bílinn, en það óheppilega var að ég var ekki einu sinni í vinnunni þegar þetta gerðist heldur var ég á leið í afmælispartí hjá Chris Brown,“ segir hún og hlær. Tónlistarmaðurinn Chris Brown er ekki eini þekkti einstaklingurinn sem Magnea hefur hitt í Los Angeles. Hún hefur einnig hitt Justin Bieber, glaumgosann Dan Bilzerian, rapparana Migos og farið í teiti hjá Drake og Leonardo DiCaprio svo fáir einir séu nefndir. En hefur hún einhvern tímann orðið „star struck“?

„Já, þegar Kylie Jenner hélt upp á afmæli sitt á litlum kokteilklúbbi sem heitir Delilah. Ég elska hana,“ segir hún.

Varðandi framtíðina er Magnea með stór plön.

„Mig langar að stofna mitt eigið fyrirtæki, vegna vel og gera eitthvað flott í lífinu. Mig langar líka í fjölskyldu, en ég er ekki tilbúin í það núna. Eitt af því, þegar maður býr svona langt í burtu og fylgist með öllu á Íslandi, er að maður hugsar: „Ég væri til í að eignast íslenskan kærasta og stofna fyrirtæki og kaupa öll þessi Ittala-glös. Þetta góða skandinavíska líf.“ Mér finnst það rosalega spennandi.“

Viðtalið í heild sinni má horfa á hér fyrir neðan:

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Gaman að geta haldið uppi stuðinu með gítarleik

Gaman að geta haldið uppi stuðinu með gítarleik
Fókus
Fyrir 2 dögum

Karla Sofía Gascón: „Trans fólk mun aldrei hverfa, sama hversu mikið einhver reynir“

Karla Sofía Gascón: „Trans fólk mun aldrei hverfa, sama hversu mikið einhver reynir“
Fókus
Fyrir 3 dögum

Birti nektarmynd eftir að rifrildi við tengdamömmuna virðist hafa blossað upp á ný

Birti nektarmynd eftir að rifrildi við tengdamömmuna virðist hafa blossað upp á ný
Fókus
Fyrir 3 dögum

Aðdáendur taka eftir svakalegum mun á milli mynda – „Þetta er bilun“

Aðdáendur taka eftir svakalegum mun á milli mynda – „Þetta er bilun“
Fókus
Fyrir 4 dögum

Kærastinn var sífellt að saka hana um framhjáhald – Síðan kom tvöfalt líf hans í ljós

Kærastinn var sífellt að saka hana um framhjáhald – Síðan kom tvöfalt líf hans í ljós
Fókus
Fyrir 4 dögum

Stefán Einar og Sara Lind hafa ákveðið að skilja

Stefán Einar og Sara Lind hafa ákveðið að skilja