Fegurðarsamkeppnin Miss Universe Iceland fer fram í fjórða sinn í ár og afhjúpaði Manuela Ósk, framkvæmdastjóri keppninnar, keppendur í gær. Um er að ræða 25 stúlkur sem er skipt í þrjá hópa, en keppnin verður haldin í Hljómahöllinni í Reykjanesbæ í sumar eða haust. Við ákváðum að kíkja aðeins nánar á keppendur og byrjum á fyrsta hópinum.
Alexsandra er í daglegu tali kölluð Sandra og útskrifaðist úr skólanum Mask Makeup & Airbrush Academy þann 3.júní 2017. Hún er mjög hæfileikarík þegar kemur að förðun, eins og sést á Facebook og Instagram.
Fylgjendur á Instagram: 544
View this post on Instagram
Suma daga verð ég að skoða gamlar myndir til að sína sjálfri mér að ég get gengið í gegn um sorgina
Berglind er hárgreiðslunemi, þjónn og grænkeri. Hún er vanalega kölluð Begga og ljómar af lífsgleði.
Fylgjendur á Instagram: 1637
View this post on Instagram
??? spring is here ? . . . #aboveaveragebegga #spring #darkhair #icelandicgirl #
Birta er nýorðin tvítug og hefur æft frjálsar íþróttir um langa hríð með góðum árangri.
Fylgjendur á Instagram: 411
Díana er úr Vestmannaeyjum og lærður förðunarfræðingur frá Airbrush & Make up School. Meðal þess sem er á hennar ferilsskrá er nám í innanhúsarkitekrút í New York Institute of Art and Design, þjónastarf á Einsa Kalda í Eyjum og vinna í Vesturbæjarlaug og Íþróttamiðstöð Vestmannaeyja.
Fylgjendur á Instagram: 781
Dísa er stofnandi og rekandi Topp heilsa ehf., heilsumiðað fyrirtæki sem er í samstarfi við Hreyfingu heilsulind. Hún lauk M.Sc. meistaranámi við þjálfarabraut íþrótta- og heilsufræði árið 2015 frá Háskóla Íslands og hefur aflað sér grunnréttindi International Weightlifting Federation árið 2015 og einnig lokið 200 tíma jógakennaranámi frá Gypsea Yoga School í Costa Rica árið 2018.
Fylgjendur á Instagram: 1856
Elísabet er leiðsögumaður og elskar að ferðast og kynnast nýjum menningarheimum.
Fylgjendur á Instagram: 426
Eydís komst í fréttirnar árið 2013, þegar hún var aðeins fjórtán ára gömul, þegar hún opnaði hjólaleiguna Sunny Bikes við Klapparstíg í Reykjavík undir góðri leiðsögn föður síns, Steinarrs Lárs. Þau feðginin eru mjög náin og fara þau til dæmis á snjó- og brimbretti saman. Eydís elskar ævintýri, f marka má Instagram-síðu hennar.
Fylgjendur á Instagram: 2483
Einhverjir kannast líklega við Helenu, en hún tók þátt í Miss Universe Iceland-keppninni árið 2017. Helena er 21 árs gömul og á ættir að rekja á Vesturlandi. Hún vinnur í World Class og stundar nám við Háskóla Íslands.
Fylgjendur á Instagram: 1009
Þá er komið að konunum í hópi tvö í keppninni.
Hugrún verður 24 ára á þessu ári og æfði frjálsar á yngri árum. Hún þekkir fegurðarsamkeppnir vel en hún tók þátt í Ungfrú Íslandi árið 2015. Þá átti hún ekki langt að sækja hæfileikana þar sem hún er systir Ingbjargar Egilsdóttur sem varð í öðru sæti í Ungfrú Íslands árið 2008 og fulltrúi Íslands í keppninni Ungfrú heimur árið 2009 og amma hennar varð fegurðardrottning Reykjavíkur árið 1959. Hugrún er það sem kallað er áhrifavaldur á samfélagsmiðlum og hefur gert það gott í fyrirsætubransanum.
Fylgjendur á Instagram: 10 þúsund
Hulda vinnur á auglýsingastofunni Pipar/TBWA og hefur gert garðinn frægan sem fyrirsæta, bæði hér heima og erlendis. Þá er hún einnig ljósmyndari og með mastersgráðu í málvísindum.
Fylgjendur á Instagram: 2973
Ingibjörg er úr Hafnarfirði hefur barist fyrir því að opna umræðuna um sjálfsvíg á Íslandi og stofnaði Facebook-hópsins Aðstandendur ástvina sem féllu fyrir eigin hendi fyrir nokkrum árum. Sjálf er Ingibjörg aðstandandi, hún missti bróður sinn í september árið 2014.
Fylgjendur á Instagram: 693
Jóhanna er af sínum nánustu kölluð Jojo og vinnur sem frílans förðunarmeistari, en það fag lærði hún í Reykjavík Make Up School.
Fylgjendur á Instagram: 1401
Karín er reynslubolti enda tók hún þátt í Ungfrú Ísland árið 2017. Á þeim tíma var hún að klára BA nám í lögfræði við Háskóla Íslands en Karín er frá Fáskrúðsfirði.
Fylgjendur á Instagram: 552
Kolfinna Mist er einstaklega hæfileikarík en árið 2009 sigraði hún í Söngvakeppninni Samsuð sem var haldin á vegum fimm félagsmiðstöðva á Suðurnesjum og var því fulltrúi Suðurnesja í Samfés. Kolfinna gengur undir listamannsnafninu Misty en faðir hennar er Ævar Austfjörð, sem hefur vakið talsverða athygli síðustu misseri fyrir að borða eingöngu kjöt.
Fylgjendur á Instagram: 1662
Kristrún er svokölluð bio-queen og kallar sig Jenny Purr sem slík, en bio-queen nefnast kvenmenn í dragi sem klæða sig ekki upp sem karlmenn. Hún hefur verið hluti af draghópnum Drag-Súgur og lærði förðunarfræði við Snyrtiakademíuna. Þá var hún á listnámsbraut við Verkmenntaskólann á Akureyri.
Fylgjendur á Instagram: 89
Lilja Rún verður tvítug á þessu ári en landsmenn kannast eflaust við andlit hennar í kringum baráttu föður hennar, Sævars Marinós Ciesielski, fyrir réttlætinu og að mannorð hans yrði hreinsað. Lilja Rún ber ekki eftirnafn föður síns sökum þeirra fordóma sem hún varð fyrir vegna nafnsins, eins og hún sagði í samtali við RÚV árið 2017. Lilja Rún er menntaður förðunarfræðingur og hefur meðal annars unnið á leikskóla.
Fylgjendur á Instagram: 2771
View this post on Instagram
Síðastar en ekki síðstar eru konurnar í hópi þrjú.
Linda Björt hefur unnið sitthvað við fyrirsætustörf og spilaði einnig lengi knattspyrnu með Stjörnunni.
Fylgjendur á Instagram: 1125
Magdalena er hagfræðinemi við Háskóla Íslands og blaðamaður á Viðskiptablaðinu.
Fylgjendur á Instagram: 187
Fáir eru þyrstari í sigurinn en Móeiður en hún lenti í öðru sæti í Miss Universe Iceland í fyrra og tók einnig þátt árið 2017. Móeiður er fædd og uppalin í Reykjavík og hefur gert það gott í fyrirsætuheiminum. Hún hefur verið í hestamennsku frá unga aldri og er áhrifavaldur á samfélagsmiðlum.
Fylgjendur á Instagram: 12,5 þúsund
Nadía er upprennandi fyrirsæta, kemur úr Keflavík og stundaði nám við Flensborgarskólann í Hafnarfirði.
Fylgjendur á Instagram: 4287
Sara hefur gert það gott sem fyrirsæta en hún tók þátt í Ungfrú Ísland árið 2015. Kraftmikil kona sem lætur verkin tala. Hún elskar að ferðast og er mikil fjölskyldukona.
Fylgjendur á Instagram: 2259
Sólveig er fyrirsæta og dansari og hefur kennt dans um nokkurt skeið hjá Dansskóla Brynju Péturs.
Fylgjendur á Instagram: 709
Tanja tók þátt í Ungfrú Ísland árið 2016 og í Miss Universe Iceland árið 2017. Þá tók hún þátt í forsíðukeppni tímaritsins Maxim á síðasta ári en bar ekki sigur úr býtum. Hún er ættuð frá Úkraínu og hefur unnið sem rússnesku túlkur og sjálfboðaliði hjá Rauða Krossinum.
Fylgjendur á Instagram: 7709
Tinna útskrifaðist úr Reykjavík Make up School árið 2016 og tók þátt í Miss Universe Iceland í fyrra. Hún er ættuð úr Grindavík og elskar að ferðast og kynnast nýjum menningarheimum.
Fylgjendur á Instagram: 1147
Tinna er úr Keflavík og einstaklega metnaðargjörn. Hún er ekki á Instagram, en það breytist kannski þegar að fegurðarsamkeppnin fer á fullt span.
