Umræðuefni Föstudagsþáttarins Fókus, hlaðvarpsþáttar dægurmáladeildar DV, eru fegrunaraðgerðir að þessu sinni. Gestir þáttarins eru þau Viktor Andersen og Alda Guðrún Jónasdóttir, en þau eiga það sameiginlegt að vera ófeimin að ræða um þær fegrunaraðgerðir sem þau hafa gengist undir.
Sjá einnig: Alda fékk nóg og gekk út: „Ég fékk bara mega kvíðakast“.
Bæði Alda og Viktor segjast sjá það þegar að fólk hefur farið í einhvers konar fegrunaraðgerðir.
„Já, mér finnst það oft frekar augljóst. Þó það sé ekki nema smá,“ segir Viktor og bætir við að áferð andlitsins breytist. „Fyllingarefnin lyfta svo mikið upp hjá vörunum eins og náttúrulegar varir gera ekki. Þú sérð það alltaf ef fólk er búið að setja fyllingarefni,“ segir Alda og Viktor er sammála. „Ég held allavega að maður taki oftast eftir því að það er eitthvað „enhancement“.“
Viktor segir að það sé lítið um að karlmenn fari í fegrunaraðgerðir.
„Það er mjög leynt. Það hefur einn og einn sagt mér í einkaskilaboðum að þeir hafi verið að gera hitt og þetta, en ekki jafn ýkt og ég,“ segir Viktor. „Samkynhneigðir kunningjar mínir hafa verið að spyrja mig út í þetta og ætla að fá sér eina sprautu eða Botox,“ bætir hann við. Alda segir af og frá að gagnkynhneigðir karlmenn myndu fara í fegrunaraðgerðir en Viktor er ósammála.
„Þeir myndu allavega aldrei tala um það. Eins og Skúli Mogensen er klárlega búinn að gera eitthvað. Ég get ekki alveg „pin pointað“ það en það er allavega mjög mikill munur á lúkkinu hans fyrir einhverju síðan og núna. Hann lítur mjög vel út núna,“ segir Viktor og Alda bendir á að hann sé orðinn mjög líkur einni skærri Hollywood-stjörnu.
Sjá einnig: Fimm hlutir sem þú vissir ekki um Skúla Mogensen.
„Við elskum öll Bradley Cooper. Hann er orðinn alveg eins og Bradley Cooper.“
Hægt er að fylgja Öldu á Instagram með því að smella hér og Viktori með því að smella hér.
Hér fyrir neðan má horfa á Föstudagsþáttinn Fókus í heild sinni:
