Söngkonan Eleni Foureira, sem lenti í öðru sæti í Eurovision í fyrra, mun koma fram á úrslitakeppni Söngvakeppninnar sem fram fer 2. mars í Laugardalshöll.
Foureira söng lagið Fuego í Lissabon í fyrra, en lagið naut mikilla vinsælda eftir keppnina og var mest spilaða lagið úr keppninni hér á landi.
Eleni Forueira fæddist í Albaníu árið 1987 og starfar nú sem söng- og leikkona. Hún hóf sóló-ferilinn með fyrstu plötu sinni árið 2010 og hefur átt góðu gengi að fagna í Grikklandi og Kýpur.
Undanúrslitin í söngvakeppninni verða í Háskólabíói 9. og 16. febrúar, og úrslitakvöldið í Laugardalshöll 2. mars. Sýnt verður beint frá öllum keppnunum á RÚV.
Í fyrra komu Eurovision-stjörnurnar Robin Bengtsson og Emelie de Forrest fram á úrslitakeppni Söngvakeppninnar en árið 2017 voru það þeir Måns Zelmerlöv og Alexander Rybak.
