Kraftajötuninn og leikarinn Hafþór Júlíus Björnsson, oft kallaður Fjallið, birti um helgina mynd af sér og eiginkonu sinni, Kelsey Henson, á Instagram. Þegar þetta er skrifað hafa 3026 athugasemdir verið skrifaðar við myndina og margar þeirrar mjög neikvæðar og það varðandi stærð Hafþórs og stærðarmun hjónanna.

Þetta er ekki í fyrsta skiptið sem nettröll ráðast á Hafþór en í maí í fyrra og í byrjun janúar fjallaði DV um sambærileg atvik.

Hafþór er sterkasti maður heims og ríflega tveir metrar á hæð meðan eiginkona hans er 157 sentímetrar. Hæðarmunur hjónanna er því umtalsverður. Hafþór er geysivinsæll á Instagram en þar fylgja honum 1,6 milljón manns, enda þekktur kraftajötunn og leikur auk þess í Game of Thrones, sem eru meðal vinsælustu sjónvarpsþátta í heimi.

Á myndinni má sjá parið á týpískri kósí vetrarmynd með sitt hvorn kakóbollann í hendi. Bollinn sem líklega er bara venjulegur að stærð, virkar hins vegar ósköp lítill í stórum höndum Hafþórs og gera margir netverjar grín að því, bæði á Instagram og á Redditt.

https://www.instagram.com/p/BtEZAPCgRD_/

„Það lítur út fyrir að hann geti tekið bollann sem eitt skot,“ skrifar einn netverja. „Það er eins og þú sért að leika þér með barnabollastell,“ skrifar annar.

„Þegar þú kyssir konuna þína sleikirðu hana þá eins og sleikjó?,“ skrifar einn og vísar þar til stærðarmunar hjónanna. „Ef ég væri þú væri ég hræddur um að sofa við hliðina á henni, þú gætir drepið hana með því að snúa þér við í rúminu,“ skrifar annar.

„Af hverju líturðu alltaf út eins og þú sért pirraður?,“ spyr einn netverja.

Nokkrir henda þó í jákvæðar athugasemdir á borð við: „Ég elska að sjá fólk hamingjusamt.“