Edward J. Huijbens, varaformaður VG, hefur sett einbýlishús sitt við Kringlymýri á Akureyri á sölu.
Fjölskyldan er á leið til Hollands, en Edward hefur greint frá því að hann hyggst ekki gefa kost á sér til endurkjörs á landsfundi VG í haust.
„Eftir fjögurra mánaða útlegð á hafinu í haust, í ljúfu frelsi internetsleysis, komum við fjölskyldan heim milli jóla og nýárs. Þá hófst næsta verkefni sem er að undirbúa flutning til Hollands. Ég fékk afbragðs tilboð um að leiða rannsóknarhóp á sviði menningarlandfræði við Wageningen háskóla og hef þar störf sem prófessor og stjórnandi þessa 30 manna hóps 1. febrúar. Þetta er mikið akademískt framfaraspor, en auðvitað með trega sem maður fer frá eyjunni ísa. Ég mun starfa sem varaformaður VG fram að landsfundi í haust, enda fjölskyldan ekki að elta mig út fyrr en þá og stutt er milli Amsterdam og Íslands,“ segir Edward í stöðufærslu á Facebook.
Húsið að Kringlumýri er 151 fm á tveimur hæðum og var byggt árið 1960. Þrjú svefnherbergi og tvö baðherbergi eru í húsinur sem var töluvert endurnýjað árið 2006.
Nánari upplýsingar um eignina má finna hér.
