Tilfinningar vina minna gáfu nýlega út lagið Næst. Lagið er það fyrsta sem þeir gefa út árið 2019 og fylgir eftir þeirra fyrstu smáskífu Tónlist hljómar samt betur með þér sem kom út árið 2018. Næst er melódísk og myrk vögguvísa sem meðlimir sveitarinnar lýsa sem áminningu á nýju ári um að það er alltaf hægt að gera betur Næst.
Meðlimir hljómsveitarinnar eru vel þekkt andlit úr íslensku tónlistarsenuni en meðlimir hljómsveitarinnar eru Loji Höskuldsson, Kári Einarsson og Magnús Dagur Sævarsson (Bjartar Sveiflur, Oyama, Sudden Weather Change).
Tilfinningar vina minna er hljómsveit sem veltir fyrir sér hversdaglegum vandamálum og hvernig þau geta útskýrt betur stærri spurningar um tilveru mannsins. Sambönd og samtöl milli einstaklinga eru hljómsveitinni sérstaklega hugleikin og hvernig þau þroska manneskjur.
Hljómsveitin leggur áherslu á, að tilfinningalíf fólks er ekki bara hluti af mannlegri tilvist, heldur kjarni og meginþáttur þess.
Fylgjast má með sveitinni á Facebook-síðu hennar, Instagram, YouTube og Spotify.
