Aðdáendur Stranger Things bíða spenntir eftir þriðju þáttaröð þessara geysivinsælu Netflix þátta. Í tilefni nýs árs gáfu framleiðendur þáttanna út kitlu, sem staðfestir útgáfudag þriðju þáttaraðarinnar.
„Eitt sumar getur breytt öllu,“ segir í henni, og tekið er fram að nýtt ár, árið 1986, sé að ganga í garð.
Nýja þáttaröðin heldur áfram þar sem frá var horfið í fyrri þáttaröðum og fjallar áfram um ævintýri krakkanna í Hawkings og kynni þeirra af undirveröldinni.
Þriðja þáttaröðin verður gefin út 4. júlí 2019, en fjórði júlí er eins og kunnugt er þjóðhátíðardagur Bandaríkjamanna.
