Beckham hjónin David og Victoria fögnuðu nýja árinu með veglegum hætti, ásamt börnum og nýrri tengdadóttur, flugeldum og fullt af kossaflensi.

Brooklyn, 19 ára elsti sonur þeirra hjóna, mætti með nýju kærustuna, fyrirsætuna Hana Cross, sem er 21 árs gömul. Deildi hún mynd af nýárskossi þeirra á Instagram ásamt orðunum „Ég elska þig.“

Stórfengleg flugeldasýning fór fram, sem kostaði um 4 þúsund pund eða um 600 þúsund krónur (sem einhverjum íslendingnum gæti þótt bara eðlileg upphæð) og sprungu flugeldarnir í takt við lag Queen, Bohemian Rhapsody.

Cross hitti ekki aðeins fjölskyldu nýja kærastans, heldur einnig vini hans, en allir klæddu þeir sig í stíl og voru eins og nýklipptir úr Peaky Blinders þáttaröðinni.

David og Victoria póstuðu einnig nýárskossi á samfélagsmiðla, auk þess sem David gaf gagnrýnendum sínum langt nef og smellti kossi á sjö ára dóttur þeirra, Harper, en hann hafði áður fengið gagnrýni fyrir að kyssa dóttur sína á munninn.

Victoria var fyrr um daginn búin að pósta mynd af dressi kvöldsins á samfélagsmiðla og áhugasamir gátu „sópað“ upp og keypt dressið.

Í partýinu voru einnig systir og móðir David, Joanne og Sandra, og besti vinur hans, Dave Gardner og eiginkona hans, Liv Tyler.

Íslandsvinir þeirra, Björgólfur Þór Björgólfsson og Kristín Ólafsdóttir, voru ekki með að þessu sinni.

Líkt og oft gerist átti David erfiðan dag daginn eftir, en helvítið! lítur meira að segja dásamlega út með timburmenn!