Um er að ræða sex herbergja íbúð með rishæð í Hrísmóum, íbúðinni fylgir bílskúr og er eignin alls 174 fm. Frábært útsýni er úr íbúðinni, enda er hún miðsvæðis í Garðabænum.

Ásta Hrafnhildur er Garðbæingum vel kunn, enda búsett þar alla ævi og hefur hún starfað þar sem kennari auk þess að vera dugleg í starfi tengt íþróttum sonanna þriggja sem allir hafa æft og spilað með Stjörnunni.

Ásta Hrafnhildur hefur einnig verið vel þekkt meðal þjóðarinnar, fyrst sem umsjónarmaður Stundarinnar okkar, þar sem hinn sívinsæli Keli var kynntur til sögunnar. Og síðar sem blaðamaður og ritstjóri á Séð og Heyrt. Ásta Hrafnhildur starfar í dag sem blaðamaður á Fréttablaðinu, auk þess að vera með föst innslög í Brennslunni á FM957.

Ásta Hrafnhildur keypti eignina í Hrísmóa árið 2016, eftir að hún seldi fyrri eign, sem hún og seinni barnsfaðir hennar áttu saman. Nýlega fékk hún nýtt hlutverk, þegar fyrsta ömmubarnið kom í heiminn þann 26. júní síðastliðinn.

Hver ástæðan er fyrir sölunni á Hrísmóa mun líklega koma í ljós von bráðar, en væntanlega mun Ásta Hrafnhildur halda sig við Garðabæinn.

Nánari upplýsingar um eignina má fá hér.