Landsmenn hafa margir hverjir fárast yfir því á ferðum sínum að geta ekki horft á íslenskar útsendingar af leikjum íslenska landsliðsins meðan þeir eru staddir erlendis.

Þetta er að einhverju leyti rétt en þó ekki öllu því netið er jú án landamæra ef út í það er farið.

Dreifisamningar milli landa koma í sumum tilfellum í veg fyrir að hægt sé að fylgjast með íslensku sjónvarpi erlendis en rétt er að benda á að það er lítið mál að komast þar framhjá.

Lappari.com bendir á að einfaldasta leiðin til að geta horft á íslenskar útsendingar sé að nota Playmo.tv sem margir Íslendingar kannast við og hafa notað til að horfa á Netflix og Amazon Prime meðan þessar þjónustur voru ekki í boði á Íslandi. Samkvæmt heimsíðu Playmo er þetta einfalt og í mjög stuttu máli þá er þetta uppsetningarferli á þessa vegu:

• Farðu inn á Playmo.tv og sláðu inn netfangið þitt til að hefja prufutímabil, hægt að nota þjónustuna án endurgjalds í 7 daga.
• Síðan breytir þú DNS í tækinu sem þú ætlar að nota til að horfa með þessum leiðbeiningum en þær eru fyrir öll helstu stýrikerfi og tæki.
• Þegar það er klárt þá ætti allt að vera komið, núna getur þú horft á RÚV í gegnum vefsíðuna þeirra eða með appi sem heitir RÚV spilari (Sarpurinn).

Þá bæta þeir viða að 365 sjónvarp appið virki líka með því að nota Playmo.