Spítalinn heitir Trinity Medical Centre og er í Illinois.
Söngvarinn dáði lést þann 21. apríl 2016 og var opinber dánarorsök slys af völdum ofskömmtunar fetanýls.
Fjölskyldan sakar starfsfólk sjúkrastofnunarinnar um að hafa veitt honum ófullnægjandi meðferð viku fyrir andlátið.
Prince varð alvarlega veikur um borð í einkaflugvél sinni vegna ofskömmtunar ópíóíða og var því naulent í Illinois. Í stefnunni segir að dauði hans hafi verið bein afleiðing mistaka hjúkrunarfólks við að greina ofskömmtunina, auk mistaka við að rannsaka hvað olli henni.
„Það sem henti Prince kemur fyrir í fjölmörgum fjölskyldum um öll Bandaríkin. Það er ósk fjölskyldunnar að þessi rannsókn muni varpa ljósi á þennan ópíóða faraldur og hvernig við getum brugðist betur við vandanum. Ef andlát Prince mun með þessum hætti stuðla að því að bjarga mannslífum er það huggun harmi gegn,“ segir í yfirlýsingu sem lögfræðingar aðstandenda sendu frá sér í dag.
Smelltu hér til að lesa meira um vímuefnaneyslu Prince og sjáðu myndir frá heimili hans.
