Heimsfrægð tryggir engum heilsu. Hvorki líkamlega né andlega. Þessir heimsfrægu aðilar sögðu skilið við okkur á árinu, sumir vegna hárrar elli á meðan aðrir lutu í lægra haldi fyrir heilsubrestum á sál eða líkama.
Mac Miller
Fæddur : 19. janúar 1992
Látinn: 7. september 2018
Malcom James McCormick var amerískur rappari, söngvari og tónlistar framleiðandi. Hann átt í tveggja ára sambandi við söngkonuna Ariönu Grande lauk í ársbyrjun. Hann hafði um hríð glímt við vímuefnavanda og lést vegna ofneyslu á áfengi, kókaín og fentalýn.
Zombie Boy
Fæddur: 7. ágúst 1985
Látinn: 1. ágúst 2018
Rick Genest eða Zombie boy, var kanadískur listamaður og fyrirsæta. Hann er tvöfaldur heimsmethafi, annars vegar fyrir flest skordýra húðflúr og hins vegar fyrir flest húðflúr af beinum. Hann hlaut frægð einkum fyrir útlitið, en hann hafði látið húðflúra sig frá toppi til táa með beinum mannslíkamans. Hann lést eftir að hafa fallið af svölunum heima hjá sér, en óvíst er hvort hann hafi fallið, eða stokkið.
Hinrik Prins
Fæddur: 11. júní 1934
Látinn: 13. febrúar 2018
Hinrik prins eða Henri de Laborde de Monpezat, var eiginmaður Margrétar Þórhildar Danadrottningar. Hann kom af frönskum aðalsættum og áður en hann gekk í hjónaband hafði var hann hermaður og diplómat. Hinrik og Margrét giftu sig árið 1967 og áttu tvö börn saman. Hinrik var alla tíð ósáttur við að Danskar hefðir meinuðu honum að titla sig konung. Hann var aðeins prins sem var giftur drottningu. Þegar heilsu hans tók að hraka skömmu fyrir andlátið hafði hann gagnrýnt þetta fyrirkomulag mikið og neitaði að vera grafinn við hlið konu sinnar, í hrópandi andstöðu við ríkjandi hefðir.
Stan Lee
Fæddur: 28. desember 1922
Látinn: 12. nóvember 2018
Stan Lee eða Stanley Martin Lieber, var bandarískur myndasöguhöfundur, ritstjóri og útgefandi. Hann var ritstjóri hins fræga Marvel-myndasögufyrirtækis. Undir hans stjórn blómstraði fyrirtækið úr litlu útgáfufyrirtæki yfir í risastórt margmiðlunarfyrirtæki. Stan tók þátt í að skapa margar frægustu myndasöguhetjur nútímans, hetjur á borð við Köngulóamannin, X-Men, og hinn græna Hulk. Stan Lee varð brautryðjandi í myndasögugerð þegar hann ákvað að ljá ofurhetjum sínum mannlegan breyskleika, en ofurhetjur höfðu áður verið fullkomnar með engin alvarleg varanleg vandamál. Stan Lee gaf ofurhetjunum sínum flókna persónuleika og hversdagsleg vandamál sem lesendur gætu tengt við. Vandamál á borð við óöryggi, skapofsaköst, peningaáhyggjur og þar eftir götum. Þessi stefnubreyting í myndasögugerð varð til þess að markhópurinn stækkaði mikið. Myndasögur voru ekki lengur bara fyrir börn.
Eddie Clarke
Fæddur: 5. október 1959
Látinn: 10. janúar 2018
Fast Eddie Clarke, eða Edward Allan Clarke, var breskur gítarleikari og síðasti upprunalegi meðlimur hljómsveitarinnar Motörhead á lífi. Hann lét lífið á spítala sem hann hafði leitað til vegna lungnabólgu.
Paul Allen
Fæddur: 12. janúar 1953
Látinn: 15. október 2018
Paul Gardner Allen var bandarískur fjárfestir sem þekktastur er fyrir að hafa stofnað Microsoft með Bill Gates. Hann var meðal ríkustu manna heims og eyddi umtalsverðum fjárupphæðum í góðgerðastörf en einnig varði hann peningum til menntunar og til vísinda. Paul greindist þrisvar á lífsleiðinni með krabbamein. Tvisvar sinnum vann hann bug á meininu með lyfjameðferð en eftir að hann greindist í þriðja skiptið tapaði hann baráttunni og lést úr blóðeitrun.
Sondra Locke
Fædd: 28. maí 1944
Látin: 3. nóvember 2018
Sondra Louise Anderson var amerísk leikkona og leikstjóri. Hún var tilnefnd til Óskarsverðlauna fyrir fyrsta kvikmyndahlutverk hennar í kvikmyndinni The Heart Is a Lonely Hunter. Hún var í sambúð með Clint Eastwood í 12 ár. Sondra hafði um hríð glímt við krabbamein og lést úr hjartaáfall sem rakið var til meinsins.
John McCain
Fæddur: 29. ágúst 1936
Látinn: 25. ágúst 2018
John Sidney McCain III var forsetaframbjóðandi repúblikana í forsetakosningunum 2008 og öldungadeildarþingmaður fyrir Arizona fylki. Hann þjáðist af krabbameini og lést deginum eftir að fjölskyldan hans tilkynnti opinberlega að hann væri hættur að berjast gegn því og ætlaði að leyfa náttúrunni að hafa sinn gang.
Margit Sandemo
Fædd: 23. apríl 1924
Látin: 1. september 2018
Margit Sandemo var norsk-sænskur rithöfundur. Hún er þekktust fyrir bækur hennar um Ísfólkið sem notið hafa mikilla vinsælda hérlendis. Hún skrifaði einnig marga aðra bókaflokka eins og Galdrameistarann og líka Ríki ljóssins. Bækur hennar einkenndust af rómantík, spennu og dulúð.
Colin Kroll
Fæddur: 1984
Látinn: 16. desember 2018
Colin Kroll var amerískur tölvunarfræðingur og frumkvöðull. Hann var ein stofnenda af myndbrotasíðunni Vine og spurningaleiknum HQ Trivia. Banamein hans er talið hafa verið ofskammtur af vímuefnum.
George H.W. Bush
Fæddur: 12. júní 1924
Látinn: 30. nóvember 2018
George Herbert Walker Bush var 41. forseti Bandaríkjanna frá 1989-1993 og faðir George W. Bush sem varð 43. forseti Bandaríkjanna. Eiginkona hans, Barbara lést einnig í apríl á þessu ári.
Bernardo Bertolucci
Fæddur: 16. mars 1941
Látinn: 26. nóvember 2018
Bernardo Bertolucci var ítalskur leikstjóri og handritshöfundur. Hans frægustu myndir voru meðal annarra, Last Tango in Paris, 1900 og óskarsverðlaunamyndin The Last Emperor sem skilaði honum Óskarnum bæði fyrir bestu leikstjórn sem og fyrir besta aðlagaða handritið. Hann hlaut heiðurshálma kvikmyndahátíðarinnar í Cannes árið 2011. Bertolucci var yfirlýstur Marxisti og voru kvikmyndir hans oft á tíðum afar pólitískar. Hann var orðinn 77 ára gamall þegar hann lést úr lungnakrabbameini.
Burt Reynolds
Fæddur: 11. febrúar 1936
Látinn: 6. september 2018
Burt Leon Reynolds Jr. var amerískur leikari, leikstjóri og framleiðandi. Hann var þekktur fyrir kvikmyndir á borð við Deliverance, The Longest Yard, Smokey and the Bandit og The Best Little Whorehouse in Texas.
Kofi Annan
Fæddur: 8. apríl 1938
Látinn: 18. ágúst 2018
Kofi Atta Annan var aðalritari Sameinuðu þjóðanna frá 1997-2007. Hann var einnig nóbelsverðlaunahafi, en hann hlaut friðarverðlaun Nóbels árið 2001. Annan var frá Gana og menntaður hagfræðingur.
Aretha Franklin
Fædd: 25. mars 1942
Látin: 16. ágúst 2018
Aretha var bandarísk söngkona, oft nefnd drottning sálartónlistarinnar. Hún var fyrsta konan til að hljóta vígslu inn í Frægðarhöll Rokksins í Bandaríkjunum, og var í fyrsta sæti á lista tímaritsins Rolling Stones um 100 bestu söngvara fyrr og síðar.
Vinnie Paul
Fæddur: 11. mars 1964
Látinn: 22. júní 2018
Vinnie Paul Abbott var bandarískur tónlistarmaður, lagahöfundur og framleiðandi sem var hvað þekktastur fyrir að vera einn stofnenda og trommari í þungarokks hljómsveitinni Pantera.
Verne Troyer
Fæddur: 1. janúar 1969
Látinn: 21. apríl 2018
Verne Jay Troyer var bandarískur leikari, grínisti og áhættuleikari sem var þekktastur fyrir hlutverk Mini-Me í kvikmyndunum um spæjarann Austin Powers. Hann var aðeins 81 sentimetrar að hæð og þar með einn af lágvöxnustu karlmönnum í heimi. Kvikmyndaferill hans hófst á því að samtök fyrir lítið fólk höfðu samband við hann í leit af manni af ákveðinni hæð til að sjá um áhættuatriði fyrir barn í kvikmyndinni Baby‘s Day Out. Hann er talinn hafa tekið eigið líf með því að innbyrða gífurlegt magn af áfengi.
Avicii
Fæddur: 8. september 1989
Látinn: 20. apríl 2018
Tim Bergling, betur þekktur sem Avicii, var sænskur tónlistarmaður, plötusnúður og framleiðandi. Hann hafði glímt við mikil heilsufarsvandamál vegna ofneyslu á áfengi. Hann hætti tónlistarflutningi árið 2016 og árið 2017 kom út heimildarmynd þar sem hann ræddi um líkamlega og andlega vanheilsu sína. Andlegir kvillar urðu honum að lokum of mikil byrgði til að bera en hann tók eigið líf.
Professor Stephen Hawking
Fæddur: 8. janúar 1942
Látinn: 14. mars 2018
Hawking var enskur eðlis- og heimsfræðingur. Hann var þekktastur fyrir að sýna fram á tilvist sérstaðna í afstæðiskenningunni og að svarthol gæfu frá sér geislun. Hann var með hreyfitaugahrörnun og varð ungur bundinn við hjólastól. Eftir að hann greindist með sjúkdóminn var því spáð að hann yrði aldrei langlífur, en Stephen Hawking afsannaði þær spár með því að verða 76 ára gamall.
Emma Chambers
Fædd: 11. mars 1964
Látin: 21. febrúar 2018
Emma Gwynedd Mary Chambers var ensk leikkona sem var þekktust fyrir hlutverk sitt sem Honey Thacker í kvikmyndinni vinsælu Notting Hill.
John Mahoney
Fæddur: 20. júní 1940
Látinn: 4. febrúar 2018
Charles John Mahoney var ensk-amerískur leikari. Hann var frægastur fyrir hlutverk sitt sem Martin Crane í þáttunum Fraiser.
Dolores O’Riordan
Fædd: 6. september 1971
Látin: 15. janúar 2018
Dolores Mary Eileen O‘Riordan var írsk tónlistarkona og söngvari hljómsveitarinnar The Cranberries sem eru frægust fyrir lagið Zombie. Dolores hafði glímt lengi við áfengisdjöfulinn og laut hún loks lægra haldi fyrir honum. Hún missti meðvitund vegna áfengisneyslu og drukknaði í baði.
