Karen Hilmarsdóttir vann Pulse 3 bluetooth hátalara frá JBL frá Heimilistækjum í jólaleik DV Fókus og var að vonum í skýjunum með gjöfina. Karen var dregin út af handahófi, en hún skrifaði í athugasemd að hún„gæti ekki taggað soninn, Hilmar Braga, því hann er bara að verða 8 ára og er ekki með Facebook en á óskalistanum hans er einmitt JBL hátalari.“
Karen brunaði því af stað til Reykjavíkur um leið og hún fékk skilaboð um að hún hefði unnið, en fjölskyldan býr í Keflavík. Hilmar Bragi og systir hans Sólrún Brynja komu með, en Hilmar Bragi vissi ekkert hvert erindi borgarferðarinnar var. Að vonum voru þau himinlifandi með gjöfina, og degi seinna sendi Karen skilaboð til DV Fókus: „Takk kærlega fyrir okkur, hér er búið að prófa hátalarann og dansa mikið.“
DV Fókus óskar Karen innilega til hamingju með hátalarann og þakkar jafnframt öllum þeim sem tóku þátt í jólaleiknum. Þátttakan fór fram úr okkar björtustu vonum. Við munum halda áfram að gefa góðar gjafir á nýju ári, þannig að endilega látið ykkur líka við Facebook-síðu DV Fókus og fylgist með.
