„Í dag eru konur um allan heim með takmarkaðri aðgang að völdum, auðæfi og menntun heldur en karlmenn. En ein lítil eyja leiðir heiminn í því að brúa bilið á milli kynjanna. Ísland hefur það að leiðarljósi að koma fleiri mæðrum aftur til vinnu, að útrýma staðalmyndum og launamismun. Gæti Ísland veitt heiminum innblástur og leyst einn stærsta vanda heimsins?“
Með þessum orðum hefst myndband frá fréttaritinu The Economist þar sem jafnfrétti kynjanna og framúrstefnulegt hugarfar Íslendinga er til umræðu.
Í myndbandinu er farið yfir tölfræði og neikvæð áhrif staðalmynda. Einnig er meðal annars rætt við Margréti Pálu Ólafsdóttur, stofnanda Hjallastefnunnar, sem segir það vera ótvírætt að jafnrétti sé lykillinn að framtíðinni og breytingu á hegðunarmynstri kynjanna.
„Ef strákar venja sig á það að vera alltaf sterkir, alltaf ákveðnir og taka við stjórn, þá enda þeir á því að gerast hrottar, slást og brjóta reglur,“ segir Margrét og bætir við að samfélög sendi einnig villandi skilaboð til stelpna, en á hinum enda umræðunnar.
„Ef þær venja sig á að vera ávallt hjálpfúsar, umhyggjusamar, með hag annarra í huga eða leita til annarra fyrir samþykki, þá gleyma þær sjálfum sér. Við þurfum að komast burt frá þessum öfgafullu einkennum. Við þurfum öll að færast nær miðjunni.“
Myndbandið frá fréttaritinu má sjá hér fyrir neðan.
