Blek er orðið áberandi í samfélaginu þar sem fólk leitar nýrra og hugmyndaríkra leiða til að tjá sig. Af því tilefni verður haldinn sannkallaður Bulleit Tattoo viðburður næsta laugardag kl. 19 á Dillon Laugavegi 30.
Á þessum dimmasta tíma ársins vill Dillon Whisky Bar hvetja karlmenn til að setja tilfinningar sínar í orð en algengasta dánarorsök íslenskra karlmanna á aldrinum 18-25ára eru sjálfsvíg. Dillon og Bulleit Bourbon ætla að sameina krafta sína og safna fé fyrir málefni Geðhjálpar og Rauða Krossins „Út með það.“
Dillon hefur haft samband við húðflúrsmeistara og blús hljómsveitir þannig að þetta verður viðburðarík upplifun næsta laugardag. Sjálf Andrea Jónsdóttir verður plötusnúður kvöldsins og blúshljómsveitirnar sem koma fram heita GG Blues og Strákarnir hans Sævars en þeir munu spila frægar ábreiður í sveitastíl.
Húðflúrmeistarar munu leika listir sínar og gera verk sem verða boðin upp. Einnig verða tattoo stuttermabolir með verkum eftir húðflúrmeistarana boðnir upp og ágóðinn renna til málefnisins. Bulleit Bourbon hefur verið í samstarfi við tattoo listamenn heimsins og gáfu nýverið út Bulleit Tattoo flösku sem verður einnig boðin upp á kvöldinu.
Það má búast við ljósmyndasýningu, lifandi tónlist, uppboði og frábærum tilboðum á mat og drykk.
Dillon hefur sett saman sérstakan Bulleit kokteilseðil ásamt matseðli en fólk mun geta keypt sér einstaka borgara með heimagerðri reyktri bourbon BBQ sósu og eplaköku í Kentucky stíl.
