Hver er elsta jólagjöfin sem þú átt enn?

„Þegar ég fékk gjöfina góðu var ég þriggja ára og átti þrjú yngri systkini. Pabbi var alltaf á fundum í útlöndum og varkár í fjármálum. Jón afi gaf Lilju Heiðu ein jólin og næstu jól dúkkuvagn, því hún var svo fögur. Trausti vildi keyra vagninn og Lilja reiddi hönd til höggs, til er ljósmynd af því. Pakkinn minn var stór.

Ég settist á gólfið við jólatréð og bjó mig undir að opna pakkann. Þá segir einhver að þetta sé dýr og ég sá að þetta var alvöru skinn. Ég fór að gráta. Dáið dýr. Á að gefa mér það!

Þetta var grár kanínupels. Hlýr og yndislegur. Þarna lærði ég að faðir minn elskaði mig. Þótt væri svo „ljót“ að ég ætti aldrei dúkku skilið. Þið skiljið.“