Meyjan er óþolandi. Hún stjórnar öndun sinni og litasamræmir fötin í fataskápnum. Meyjan hvorki prumpar né ropar. Meyjan hreinsar hvern fermeter af öllu sem hún á, með tannbursta, tvisvar á dag. Allt á sinn stað og tíma og hjá Meyjunni er það á gólfinu með stækkunargler að leita að bakteríum.
Þráhyggjusjúkdómur er fínt samheiti fyrir Meyjuna. Meyjan notar ábendingar og vandaðar töflur til að lýsa heimspekilegum hugtökum.
Það er auðvelt að fá Meyjuna til að fríka út. Segðu henni að það sé eitthvað á milli tannanna á henni. Horfðu svo á hana reyna að hreinsa eitthvað sem er ekki þar.
Meyjan er skemmtileg fyrir fífl eins og okkur hin. Fyrir Meyjuna væri helvíti að vera föst í lyftu með nöktum Vatnsbera. Vegna þess að Vatnsberinn mætir með bjór og hellir honum svo yfir allt gólfið.
Meyjan á líka erfitt með að slaka á ef/þegar eitthvað lendir undir ísskápnum. Stundum er það bara þunglynt Naut, en Meyjan veit að til þess að lokka það út er bara nóg að veifa köldu vínglasi.
Meyjan sér ekki heiminn í svörtu og hvítu. Hún sér hann í hreinu og skítugu. Kattahár fá Meyjuna til að froðufella. Meyjan er samt töff af því að hún mun sjá um óhreina þvottinn fyrir þig. Hún flokkar allt eftir litum og efni þangað til óhreina taushrúgurnar eru orðnar 15 talsins, með þremur flíkum í hverri. Síðan setur hún í þvottavélina í stafrófsröð eftir framleiðanda.
Meyjan finnst oft við ísskápinn að opna og loka hurðinni. Af hverju? Hún er að reyna að plata ísskápsljósið. Alls ekki setja ostinn á rangan stað í ísskápi Meyjunnar, hún mun láta þig heyra það. Hefurðu séð Shining eftir Stephen King? Jack Torrence var líklega Meyja í fyrri hluta myndarinnar, eftir það var hann Ljón.
