Nú í sumar tók Þorkell Stefánsson við sem umsjónarmaður boðhlaupsverkefnis FRÍ. Markmiðið er að setja saman sterka íslenska boðhlaupssveit þar sem reglulega verða haldnar skipulagðar æfingar. Ísland hefur aldrei átt jafn marga sterka spretthlaupara og nú og því er markið sett hátt og stefnan sett á stórmót. Með áframhaldandi bætingu okkar fólks og markvissum æfingum þar sem hver einasta skipting er fullkomnuð er vel raunhæft að íslenska sveitin geti farið að keppa meðal sterkustu boðhlaupssveita Evrópu.

Í sveitinni er meðal annars nýkrýndur Ólympíumeistari ungmenna og Evrópumeistari 17 ára og yngri, Íslandsmethafar í 60 og 200 metra hlaupi kvenna sem og Íslandsmethafar í 100 og 200 metra hlaupi karla.

Hér að neðan má sjá allan listann yfir íþróttamenn í boðhlaupssveit FRÍ.

Konur:

Andrea Torfadóttir (FH)

Birna Kristín Kristjánsdóttir (Breiðablik)

Dóróthea Jóhannesdóttir (FH)

Guðbjörg Jóna Bjarnadóttir (ÍR)

Hafdís Sigurðardóttir (UFA)

Hrafnhild Eir R Hermóðsdóttir (ÍR)

Tiana Ósk Whitworth (ÍR)

Þórdís Eva Steinsdóttir (FH)

Karlar:

Ari Bragi Kárason (FH)

Dagur Andri Einarsson (FH)

Ívar Kristinn Jasonarson (ÍR)

Jóhann Björn Sigurbjörnsson (UMSS)

Juan Ramon Borges (Breiðablik)

Kolbeinn Höður Gunnarsson (FH)

Kormákur Ari Hafliðason (FH)

Kristófer Þorgrímsson (FH)

Einnig hafa Dagbjört Lilja Magnúsdóttir (ÍR), Glódís Edda Þuríðardóttir (KFA) og Helga Margrét Haraldsdóttir (ÍR) verið valdar aukalega vegna EM U20 sem fer fram á næsta ári.