Menningarhúsið í Grófinni í samstarfi við RIFF, alþjóðlegu kvikmyndahátíðina í Reykjavík stendur fyrir hreyfimyndasmiðju fyrir börn á aldrinum 8 – 13 ára sunnudaginn 7. október kl. 14-16.
Stillukvikmyndin Marglita marglyttan eftir Sólrúnu Ylfu Ingimarsdóttur og Atla Arnarsson verður sýnd og kynnt. Að því loknu fá þátttakendur að spreyta sig í hreyfimyndagerð. Þátttakendur fá efni á staðnum en eru þó hvattir til að taka með sér plastfígúrur, leikfangabíla, skrautpappír eða annað eftirlætisefni ef þeir óska eftir að vinna sérstaklega með það. Æskilegt er að þátttakendur mæti með eigin snjallsíma eða spjaldtölvu og verði búnir að hlaða niður forritinu Stop motion studio áður en þeir koma á staðinn. Forritið er ókeypis. Einnig verða nokkrar auka spjaldtölvur á staðnum fyrir þá sem ekki hafa aðgang að slíkum tækjum.
