Pálmi Sigurhjartarson píanóleikari sendi í vikunni frá sér nýtt lag, Nafnið þitt, af væntanlegri plötu hans.

Í færslu á Facebook segir Pálmi þetta um nýja lagið. „Kæru vinir, hér lítur dagsins ljós lagið Nafnið Þitt, sem er þriðja útgefna lagið af væntanlegri plötu minni Undir fossins djúpa nið. Plata þessi hefur mjakast áfram og seytlað eins og klettaslæða í huga mínum á síðustu árum og sér nú fyrir endan á upptökum hennar. Nafnið þitt er eitt af þessum lögum sem birtist eins og þruma úr heiðskýru lofti eða réttara sagt laglina af næturhimni, gangandi um einn fegursta almenningsgarð borgarinnar um miðja nótt að vorlagi.Góðir menn og vænar konur hafa komið að þessu lagi ásamt mér og er þeirra getið í upplýsingum um myndbandið og kann ég þeim öllum mínar bestu þakkir.Þar sem dagurinn í dag er minn og að mörgu er að hyggja, þá færi ég ykkur þetta lag því sælla er að gefa en þiggja. Fáið ykkur aðeins meira og deilið að vild.“

Pálmi fagnar einmitt afmæli í dag, en hann er 53 ára. Til lukku með daginn!