Leikarahjónin Blake Lively og Ryan Reynolds hafa lengi strítt hvort öðru á samfélagsmiðlum. Og sú nýjasta er athugasemd eiginmannsins undir kynningarmynd Lively vegna nýrrar myndar hennar A Simple Favor.
Lively ákvað að skella tvíræðri mynd á Instagram núna um helgina, þar sem hún snýr kynjahlutverkunum við þar sem hún stendur fullklædd yfir nöktum manni á eldhúsbekknum, en konur hafa verið hlutgerðar á slíkum myndum í fjölda ára. Með myndinni skrifar Lively „Ég ræð.“
https://www.instagram.com/p/BoSHsuVAaxb/?utm_source=ig_embed
Reynolds var snöggur að koma með athugasemd, „Hann virðist fínn.“
Hjónin eru búin að vera hamingjusamlega gift í sex ár, eiga tvö ung börn saman og grínið virðist halda góðu lífi í sambandinu.
