Í dag kl. 12, hefst á vegum Hallgrímskirkju fyrirlestraröð um Biblíuna, áhrif hennar á einstaklinga og menningu.
Hvaða persónulegar minningar á fólk um Biblíuna og hvaða áhrif hefur hún á menningu samtíðar?
Það er Ragnar Bragason, kvikmyndagerðarmaður og leikstjóri Fanga og Vaktarsería, sem stígur fyrstur á stokk og rifjar hann minningar sínar um þetta höfuðrit kristninnar og talar um gildi Biblíunnar í menningu Íslendinga.
Næstu miðvikudaga mun síðan hópur fólks rifja upp persónulegar minningar um Ritninguna og ræða um nútímagildi biblíuboðskaparins. Enginn aðgangseyrir og allir eru velkomnir.
10. október Gunnar Hersveinn, heimspekingur
17. október Auður Bjarnadóttir, jógakennari og leikstjóri
24. október Gísli Sigurðsson, rannsóknarprófessor
31. október Nanna Hlín Halldórsdóttir, heimspekingur
7. nóvember Sigríður Hjálmarsdóttir, framkvæmdastjóri
14. nóvember Oddný Eir Ævarsdóttir, rithöfundur
21. nóvember Guðrún Eva Mínervudóttir, rithöfundur
