Ástin, eins dásamleg og hún er, endist ekki alltaf í samböndum og pör slíta þeim af af ýmsum ástæðum eða jafnvel engri.
Eitt glæsilegasta par landsins, Friðrika Hjördís Geirsdóttir og Haraldur Örn Ólafsson, hafa nú slitið sambandi sínu. Friðrika Hjördís, eða Rikka eins og hún er alltaf kölluð, er Íslendingum að góðu kunn enda hefur hún starfað í fjölmiðlum um marga ára skeið og vakið sérstaka lukku sem matgæðingur og sælkeri. Haraldur Örn er síðan einn helsti afreksmaður Íslendinga þegar kemur að útivist og fjallamennsku en hann var fyrstur Íslendinga til þess að ganga á norður- og suðurpólinn auk þess að klífa sjö hæstu tinda heims.
Parið fór að stinga saman nefjum fyrir tæpum þremur árum en þá höfðu þau verið vinir um skeið. Þau fundu sameiginlega ástríðu í útivistinni og fóru meðal annars saman í ævintýraferðir til Hamalajafjalla og var þeirri för gerð góð skil í fjölmiðlum. En núna er ævintýrinu lokið og parið hefur ákveðið að halda á sinn pólinn hvort.
