Steinn Kári Ragnarsson sölustjóri DV er einn helsti aðdáandi grænu jólatertunnar frá Myllunni. Í fyrra stofnaði hann Facebook-hópinn Vinir grænu jólatertunnar og meðlimir hópsins eru 571 talsins og mun þeim væntanlega fjölga eftir því sem nær dregur jólum.
Í hópnum sameinast aðdáendur jólatertunnar um ást sína á tertunni þar sem þeir deila myndum og fleira.
Það er rétt miður ágúst, sumarið sem aldrei kom að klára og skólarnir ekki byrjaðir, en eigi að síður fékk Steinn Kári nokkrar jólatertur í dag, sem hann deildi góðfúslega með samstarfsfélögum sínum. Tertan rann ljúft niður með mjólk og gott ef að nokkrir starfsmenn hafi síðan ekki sest niður við skrifborðin sín og óskað eftir inngöngu í Facebook-hópinn.
Steinn á sér þann draum að græna tertan verði seld allt árið, en yrði maður ekki leiður á kökunni eins og jólunum ef þau væru alla daga?
