Athafnakonan Ellý Ármannsdóttir lætur sko verkin tala og er dugleg að hafa eitthvað fyrir stafni og leita jafnvel á nýjar og ókunnar slóðir.
Málverkin hennar eru gott dæmi um það, en Ellý byrjaði að mála í fyrra af gríð og erg og renna málverkin út hraðar en málningin nær að þorna.
Ellý leitar núna aftur á gamalkunnar slóðir, í að spá fyrir fólki. Spáspil Ellýjar hafa notið mikilla vinsælda í gegnum árin, en í dag má draga tarotspil dagsins á síðu hennar Fréttanetið.
„Hóaðu saman 10-15 konum (hittumst á vinnustofunni minni) þar mála ég og fletti upp í spáspilunum mínum fyrir gesti (þar sem við skoðum nútíð & 1-2 mánuði fram í timann) – 500 kr hver spá,“ segir Ellý á Facebooksíðu sinni.
Hjá Ellý sjálfri hafa spilin raðað sér upp í rétta röð, en hún fann ástina í fangi Hlyns Jakobssonar.
