Fókus setti upp dæmi og hringdi nokkur símtöl þar sem við könnuðum hvað það kostar að láta framkvæma þetta á fimm mánaða læðu sem er meðal stór.
Meðal verðið fyrir þetta allt saman er í kringum 31.000 krónur en af þeim níu stöðum sem við hringdum í var verðið lang ódýrast hjá Nínó, heilsuhúsi fyrir hunda og ketti í Lækjargötu í Hafnarfirði. Þar rokkar verðið á bilinu 25 til 27.000 krónum, allt eftir því hversu þungt dýrið er þar sem lyfin eru gefin samkvæmt því.
Næst ódýrust er þjónustan hjá Helgu Finnsdóttur, dýralækni í Skipholti, en þar kostar í kringum 28.000 að fara með læðu í geldingu, ormahreinsun, örmerkingu og bólusetningu.
Töluvert ódýrara virðist vera að láta gelda fressketti. Hjá Dýralæknamiðstöðinni í Grafarholti kostar u.þ.b. 35.000 krónur að fara með læðu í þessar aðgerðir en 23.000 kr. fyrir fress. Hlutfallslega er munurinn nokkuð sambærilegur hjá öðrum dýralæknum.
Já, góðan dag. Mig langar að forvitnast um hvað það kostar sirka að koma með meðal stóra, fimm mánaða gamla læðu, í ófrjósemisaðgerð, bólusetningu, örmerkingu og ormahreinsun?
Dýraspítalinn Víðidal:
32.500
Dýralæknastofa Reykjavíkur, Grensásvegi:
30.100
Dýraspítalinn í Garðabæ:
Sirka 31.000
Dýralækningastofa Helgu Finnsdóttur:
28.000
Dýralæknirinn Mosfellsbæ:
33.000
Dýralækningastofa Suðurlands, Selfossi:
34.127
Dýralækningamiðstöðin Grafarholti:
Sirka 35.000
Dagfinnur Dýralæknir, Skólavörðustíg:
33 – 35.000
Nínó ehf. Heilsuhús fyrir hunda og ketti:
25 – 27.000
