Á meðal annarra hlutverka Troyer má nefna Griphook í Harry Potter and the Sorcerer’s Stone (2001), þjálfarinn Punch Cherkov í Myers’ The Love Guru (2008) og Percy í Terry Gilliam’s The Imaginarium of Doctor Parnassus (2009). Hann kom einnig fram í myndbandi lags Madonnu, Beautiful Stranger (1999) og í raunveruleikaþáttum í sjónvarpi.
Troyer glímdi við alkóhólisma og var lagður inn á sjúkrahús fyrr í þessum mánuði. Fjölskylda hans tilkynnti andlát hans í tilkynningu sem birt var á Facebook og Instagram.
„Verne var einstaklega gefandi persónuleiki. Hann vildi fá alla til að brosa, vera hamingjusama og hlæja. Hann gerði allt sem hann gat til að hjálpa þeim sem þurftu á hjálp að halda. Verne taldi að hann gæti gert jákvæða hluti á þeim vettvangi sem hann starfaði á og miðlaði jákvæðni á hverjum degi.“
Tilkynningin gefur ekki upp dánarorsök, en í henni segir ennfremur: „Þunglyndi og sjálfsvíg eru mjög alvarleg málefni. Þú veist aldrei hvaða baráttu aðrir eru að glíma við. Verið góð við hvert annað. Og munið, það er aldrei of seint að óska eftir hjálp.“
