fbpx
Sunnudagur 16.mars 2025

Lengsti embættistitill í heimi ?

Ritstjórn Eyjunnar
Fimmtudaginn 14. mars 2019 16:07

Ekki missa af Helstu tíðindum dagsins í pósthólfið þitt

Lesa nánar

Orðið á götunni er að prentkostnaður á bréfsefni Þórdísar Kolbrúnar Reykfjörð Gylfadóttur muni nú aukast til muna og þótti hann nokkuð hár fyrir. Er jafnvel rætt um að honum verði skipt út fyrir húsnæðisliðinn í vísitölu neysluverðs.

Þórdís hefur tekið við dómsmálaráðuneytinu í fjarveru Sigríðar Andersen. Samkvæmt formanni Sjálfstæðisflokksins er um tímabundna ráðstöfun að ræða og er ekki loku fyrir það skotið að Sigríður taki aftur við embættinu þegar um hægir, að einhverjum mánuðum liðnum.

Einhugur ríkti innan þingflokksins um þennan ráðahag samkvæmt Bjarna Benediktssyni að loknum þingflokksfundi, en ljóst má vera að innan þingflokksins sé fólk sem telur framhjá sér gengið.

Þar ber helst að nefna Áslaugu Örnu Sigurbjörnsdóttur, sem eflaust hefur hugsað sér gott til glóðarinnar við afsögn Sigríðar í gær, enda lögfræðimenntuð, hungruð af metnaði og ekki skemmir kynið fyrir í flokki sem gagnrýndur hefur verið fyrir skort á framgangi kvenna í áhrifastöðum.

Bjarni útilokaði þó ekki að einhver annar innan þingflokksins tæki við dómsmálaráðuneytinu í stað Kolbrúnar, og yrði þar með nýr ráðherra, en það verður að teljast fjarlægur möguleiki á þessu kjörtímabili, miðað við það traust sem Bjarni hefur borið í garð Sigríðar Andersen í viðtölum.

Fróðlegt verður að sjá hvort greina megi nýjar stefnur og strauma í ráðherratíð Þórdísar á þessum málaflokki, en Sigríður Andersen hefur komið að nokkrum umdeildum frumvörpum. Hefur Logi Einarsson, formaður Samfylkingarinnar, til dæmis óskað eftir því að eftirmaður Sigríðar Andersen muni snúa við „óheillaþróun“ í málaflokknum, einkum og sér í lagi er varðar frumvarp um breytingar á lögum um útlendinga, sem hann segir skerða réttindi og kjör umsækjenda um alþjóðlega vernd.

Þórdís Kolbrún Reykfjörð Gylfadóttir, dóms,-ferðamála,- iðnaðar og nýsköpunarráðherra er nú handhafi fjögurra ráðherratitla, auk þess að bera sjálf þrjú nöfn. Tekur hún því ansi marga dálksentimetra þegar um hana er skrifað í blöðin og má velta þeirri spurningu upp hvort hún beri lengsta embættistitil í heimi.

Getur þú borið fram nafn hennar og titla án þess að grípa andann á lofti ?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

433Sport
Fyrir 4 klukkutímum

Segir frá því hvernig bræðurnir geðþekku í Mosfellsbæ láta hvorn annan heyra það á æfingum

Segir frá því hvernig bræðurnir geðþekku í Mosfellsbæ láta hvorn annan heyra það á æfingum
Fréttir
Fyrir 4 klukkutímum

Enn fjölgar í gæsluvarðhaldi vegna manndrápsins á Suðurlandi

Enn fjölgar í gæsluvarðhaldi vegna manndrápsins á Suðurlandi
433Sport
Fyrir 6 klukkutímum

Arteta mikill aðdáandi Chelsea – ,,Hann er stórkostlegur“

Arteta mikill aðdáandi Chelsea – ,,Hann er stórkostlegur“
Eyjan
Fyrir 6 klukkutímum

Runólfur Ólafsson: Komið að skuldadögum – einkabíllinn niðurgreiðir þungaflutninga á þjóðvegunum

Runólfur Ólafsson: Komið að skuldadögum – einkabíllinn niðurgreiðir þungaflutninga á þjóðvegunum
433Sport
Fyrir 9 klukkutímum

Segir val Arnars gefa sterkar vísbendingar um að þessi stóra breyting sé í vændum – Einn ókostur sem þarf að hafa í huga

Segir val Arnars gefa sterkar vísbendingar um að þessi stóra breyting sé í vændum – Einn ókostur sem þarf að hafa í huga
Pressan
Fyrir 9 klukkutímum

Svona er hægt að vakna hratt á morgnana

Svona er hægt að vakna hratt á morgnana
Pressan
Fyrir 19 klukkutímum

Þetta er dýrasta kynlífsleiktæki heims – Kostar 240 milljónir

Þetta er dýrasta kynlífsleiktæki heims – Kostar 240 milljónir
433Sport
Fyrir 20 klukkutímum

,,Á næstu árum þá verður hann á toppnum, hann verður númer eitt“

,,Á næstu árum þá verður hann á toppnum, hann verður númer eitt“