Orðið á götunni er að prósentureikningur geti verið ansi skemmtilegur þegar tölurnar eru settar í samhengi. Ennþá skemmtilegra þegar tölurnar eru ákvarðanir kjararáðs.
Þingfararkaupið og laun héraðsdómara hækkuðu um 45% í október 2016, fóru grunnlaunin þá úr 766 þúsund krónum í 1,1 milljón króna. Ef launin hækka aftur um 45% fara þau upp í 1,5 milljónir. Þrjár aðrar eins hækkanir upp á 45% þarf þá til að þingfararkaupið fari upp í heilar 4,8 milljónir á mánuði.
Enn skemmtilegri tölur má sjá þegar litið er til launahækkana ráðherra og forseta Íslands, en þess má geta að forseti Íslands gefur hálfu milljónina sem hann fær mánaðarlega frá kjararáði. Laun forsætisráðherra hækkuðu síðast um rúm 34%, úr 1.490 þúsund í rúmar 2 milljónir. Ein slík hækkun í viðbót og forsætisráðherrann er kominn í 2,7 milljónir. Þrjár slíkar hækkanir til viðbótar og forsætisráðherra er kominn upp í 6,4 milljónir í grunnlaun.
Ef kjararáð heldur aftur af sér eins var gert á milli mars 2015 til júní 2016 þegar þingfararkaupið hækkaði um 7,5% myndu launin fara upp í 1,2 milljónir, eftir þrjár aðrar eins hækkanir til viðbótar væru launin búin að hækka um rúmlega 370 þúsund krónur. Eftir þrjár slíkar hækkanir fyrir forsætisráðherra væru launin búin að hækka um rúmlega 500 þúsund.
Svona getur prósentureikningur verið skemmtilegur.
