fbpx
Miðvikudagur 02.apríl 2025

Samfelldur lífróður

Orðið
Miðvikudaginn 11. janúar 2017 10:53

Höfuðstöðvar Sjálfstæðisflokksins eru í Valhöll

Ekki missa af Helstu tíðindum dagsins í pósthólfið þitt

Lesa nánar

Valholl2009Orðið á götunni er að samfelldur lífróður blasi við hjá ríkisstjórn Bjarna Benediktssonar sem tekur formlega við völdum á ríkisráðsfundi á Bessastöðum í dag. Það er vægast sagt óvenjuleg staða, því oftast fá nýir stjórnarherrar einhverjar vikur í hveitibrauðsdaga til að koma sér inn í hlutina áður en fjölmiðlar og stjórnarandstaðan byrja með sitt aðhald.

Hin nýja ríkisstjórn styðst aðeins við eins manns meirihluta og í valdakjarna Sjálfstæðisflokksins eru margir mjög ánægðir með útkomuna úr samningaviðræðum við Bjarta framtíð og Viðreisn, að því er varðar stjórnarsáttmálann og fjölda ráðherrastóla. En í þingflokki Sjálfstæðisflokksins logar allt stafnanna á milli út af niðurstöðu um ráðherraskipan sem kynnt var í gærkvöldi.

bjarnibenVenjulega fer hljótt um slíkt innan valdaflokks eins og Sjálfstæðisflokksins, en með yfirlýsingu Páls Magnússonar, oddvita flokksins í Suðurkjördæmi, um að hann hefði ekki stutt tillögu formanns um ráðherraskipan, má ljóst vera að friðurinn er úti. Margir fleiri en Páll eru hundóánægðir og það eru vond tíðindi fyrir ríkisstjórn með eins manns meirihluta.

Páll vann stórsigur í Suðurkjördæmi, er oddviti og fær ekki ráðherrastól. Á sama tíma er Unnur Brá Konráðsdóttir gerð að forseta Alþingis, en henni var afdráttarlaust hafnað í prófkjöri flokksins sl. haust og hún uppskar mikla reiði flokkssystkina sinna með því að kjósa með þingrofi í tengslum við átökin um afsögn Sigmundar Davíðs Gunnlaugssonar.

Unnur Brá Konráðsdóttir, þingmaður Sjálfstæðisflokksins.

Unnur Brá Konráðsdóttir, nýr forseti Alþingis.

Verðlaun hennar eru ígildi ráðherrastóls og skilaboðin til annarra þingmanna hljóta að vera þau að það borgi sig að berja í borðið og skapa sér sérstöðu. Viðbúið er að ýmsir þingmenn láti ekki segja sér slíkt tvisvar.

Vitaskuld þurfti formaður Sjálfstæðisflokksins að horfa til kynjasjónarmiða við ákvörðun sína, en þau virðast ekki hafa vafist fyrir honum einmitt í hans eigin kjördæmi, er hann valdi annan karlmann, Jón Gunnarsson, til að verða ráðherra.

Haraldur Benediktsson var oddviti Sjálfstæðisflokksins í Norðvesturkjördæmi og hann verður ekki heldur ráðherra, þótt flokkurinn hafi unnið stórsigur og hann sé fyrsti þingmaður kjördæmisins.

Brynjar Níelsson er starfandi oddviti í sínu Reykjavíkurkjördæmi, þar sem Ólöf Nordal situr ekki á þingi af heilsufarsástæðum. Brynjar er ekki ráðherra, heldur Sigríður Andersen, þingmaður sem var mun neðar á lista en hann.

Þá er ritari Sjálfstæðisflokksins, Áslaug Arna Sigurbjörnsdóttir, ekki ráðherra heldur.

Orðið á götunni er að fullt starf og rúmlega það verði á næstunni að halda þingflokki Sjálfstæðismanna í lagi gagnvart hinni nýju ríkisstjórn. Vitað mál er að ýmsir eru hundfúlir og líklegir til að spila sóló. Hvort stjórnarsamstarfið lifir það af, á eftir að koma í ljós.

Ertu með athyglisverða ábendingu?
Sendu okkur póst á ordid@eyjan.is – fyllsta trúnaðar gætt.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

433Sport
Fyrir 9 klukkutímum

Vilja meina að hún hafi farið í misheppnaða lýtaaðgerð – Sjáðu myndina

Vilja meina að hún hafi farið í misheppnaða lýtaaðgerð – Sjáðu myndina
433Sport
Fyrir 9 klukkutímum

Sjáðu frábært mark Elanga gegn gömlu félögunum

Sjáðu frábært mark Elanga gegn gömlu félögunum
Fréttir
Fyrir 10 klukkutímum

Hermann segir haugalygi að hann hafi ógnað björgunarsveitarfólki með byssu – „Ég gerði ekkert rangt“

Hermann segir haugalygi að hann hafi ógnað björgunarsveitarfólki með byssu – „Ég gerði ekkert rangt“
Pressan
Fyrir 11 klukkutímum

Gæsun breyttist í martröð fyrir 27 ára tilvonandi brúði

Gæsun breyttist í martröð fyrir 27 ára tilvonandi brúði
Fréttir
Fyrir 12 klukkutímum

Mjög alvarlegt umferðarslys á Reykjanesbraut

Mjög alvarlegt umferðarslys á Reykjanesbraut
Eyjan
Fyrir 12 klukkutímum

Logi Einarsson: Gerum eins og Apple gerir – samþættum tækniþróun og hönnun

Logi Einarsson: Gerum eins og Apple gerir – samþættum tækniþróun og hönnun
433Sport
Fyrir 13 klukkutímum

Valdi fimm verstu leikvanga Englands – „Leikvangurinn er eins og félagið, sálarlaust“

Valdi fimm verstu leikvanga Englands – „Leikvangurinn er eins og félagið, sálarlaust“
433Sport
Fyrir 13 klukkutímum

Framkvæmdir á áætlun – Sáning fer fram um miðjan mánuðinn

Framkvæmdir á áætlun – Sáning fer fram um miðjan mánuðinn