fbpx
Miðvikudagur 05.febrúar 2025

Flokkur í krísu

Orðið
Þriðjudaginn 18. apríl 2017 12:32

Ekki missa af Helstu tíðindum dagsins í pósthólfið þitt

Lesa nánar

Oddný Harðardóttir, formaður Samfylkingarinnar.

Orðið á götunni er að tilvistarvandi Samfylkingarinnar sé flestum kunnur, enda hefur flokkurinn beðið afhroð tvennar kosningar í röð og þurrkaðist út á Suðvesturhorninu sl. haust — fékk engan þingmann kjörinn í Kraganum eða höfuðborginni.

Ýmsir innan flokks og utan hafa komið með skýringar á fylgisleysi Samfylkingarinnar, staðnæmast þar margir við eilíf innanhússátök. Aðrir segja að flokkurinn hafi færst allt of langt til vinstri. Stærstur hluti kjósenda sé á miðjunni.

Það varð líklega til að staðfesta endanlega þessa kenningu, að Oddný Harðardóttir, fv. formaður Samfylkingarinnar, biðlaði fyrir páska til Gunnars Smára Egilssonar og Mikaels Torfasonar um að stofna ekki Sósíalistaflokk Íslands, enn einn vinstri flokkinn. Þeir ættu frekar að finna kröftum sínum viðnám innan Samfylkingarinnar.

Orðrétt sagði Oddný:

Samfylkingin er með góða innviði út um allt land þar sem borin er uppi nákvæmlega sama stefna og þið boðið. Ekki skemmta skrattanum enn einu sinni með stofnun flokks á vinstrivængnum. Sameinuð erum við sterk en sundruð höfum við lítil áhrif og höfum ekki afl til að hreyfa við stóru málunum sem hugsjónir okkar brenna fyrir. Verum skynsöm, verum saman og göngum skipulögð til verka!

Það var og. Orðið á götunni er að margir óánægðir Samfylkingarinnar hafi orðið niðurlútir yfir þeim ummælum formannsins fyrrverandi, að stefna Samfylkingarinnar sé nákvæmlega sú sama og nýs Sósíalistaflokks. Þannig að Samfylkingin er sósíalistaflokkur? Kannski er þar komin skýring á hinu mikla fylgistapi flokksins. Hann hætti að verða breið regnhlíf á miðjunni og fór þess í stað í keppni við VG um að vera mesti vinstriflokkurinn á jaðrinum.

Það var svo til að kóróna niðurlæginguna, að Gunnar Smári svaraði Oddnýju strax og vildi ekkert með hana hafa:

Samfylkingin er mesta eyðingarafl vinstursins og varð völd að stórkostlegum skaða. Fólk á ekki að tala sameiningu fram yfir baráttuna, moðið í staðinn fyrir stefnuna og undanhaldið í staðinn fyrir sóknina. Auðvitað má fólk gera það, það fer þá bara í Samfylkinguna. En Sósíalistaflokkurinn verður fyrir hitt fólkið.

Og meðan þá öllu þessu stóð heyrðist ekki bofs í formanni Samfylkingarinnar, Loga Einarssyni.

Ertu með athyglisverða ábendingu?
Sendu okkur póst á ordid@eyjan.is – fyllsta trúnaðar gætt.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

433Sport
Fyrir 6 klukkutímum

Myndband: Upptaka úr líkamsmyndavél lögreglumannsins opinberuð – Sýnir hvað leiddi til þess að stórstjarnan var handtekin

Myndband: Upptaka úr líkamsmyndavél lögreglumannsins opinberuð – Sýnir hvað leiddi til þess að stórstjarnan var handtekin
Fréttir
Fyrir 6 klukkutímum

Ferðamenn nefna stærstu mistökin sem þeir gerðu á Íslandi

Ferðamenn nefna stærstu mistökin sem þeir gerðu á Íslandi
Fréttir
Fyrir 11 klukkutímum

Fær skilorð fyrir að verða Ibrahim að bana

Fær skilorð fyrir að verða Ibrahim að bana
Fréttir
Fyrir 11 klukkutímum

Nýr Þjóðarpúls – Flokkur fólksins dalar en Viðreisn rís

Nýr Þjóðarpúls – Flokkur fólksins dalar en Viðreisn rís