Guðlaugur Þór Þórðarson, fyrrverandi umhverfis- og orkumálaráðherra, gagnrýnir arftaka sinn í embætti, Jóhann Pál Jóhannsson vegna yfirlýsinga undanfarið. Segir hann Jóhann Pál ekki ætla að leggja fram fyrir þingið allar þær rammaáætlarnir um nýtingu orku sem tilbúnar eru, heldur bara eina í einu. Guðlaugur Þór segir Jóhann Pál einnig stæra sig af verkum fyrri ríkisstjórnar.

Þetta kemur fram í aðsendri grein Guðlaugs Þórs í Morgunblaðinu í dag:

„Nýr orku­málaráðherra fer mik­inn fyrstu dag­ana í embætt­inu. Það er í sjálfu sér vel ef hann fylg­ir því eft­ir með verk­um. Það er sér­stak­lega ánægju­legt að hann virðist hafa yf­ir­gefið stefnu og verk (eða verk­leysi) Sam­fylk­ing­ar­inn­ar í orku­mál­um. Ráðherr­ann kvart­ar und­an því að ramm­a­áætl­un hafi loks verið samþykkt á síðasta kjör­tíma­bili eft­ir níu ár. Já, það var fyrst eft­ir að Sjálf­stæðis­flokk­ur­inn tók við ábyrgð á ramm­a­áætl­un sem hún var samþykkt á Alþingi, ásamt ein­föld­un­ar­frum­varpi sem ger­ir það að verk­um að nú er hægt að stækka virkj­an­ir án þess að fara í gegn­um ramma­ferlið.“

Guðlaugur Þór segir að Samfylkinging hafi á síðasta kjörtímabili ekki stutt við áform um fleiri virkjanir á síðasta kjörtímabili. Árangur hafi hins vegar náðst hjá fyrrverandi ríkisstjórn sem ný ríkisstjórn njóti góðs af núna:

„Sá ár­ang­ur sem við náðum á síðasta kjör­tíma­bili hef­ur leitt til þess að nú er verið að byggja bæði Hvamms­virkj­un og Búr­fells­lund. Stóru orku­fyr­ir­tæk­in eru að stækka virkj­an­ir á grunni laga­breyt­ing­anna. Kyrrstaðan er svo sann­ar­lega rof­in og það var ekki Sam­fylk­ing­in sem rauf hana. Reynd­ar greiddu nú­ver­andi stjórn­ar­flokk­ar ekki at­kvæði með ramm­a­áætl­un, þannig að ef þeir hefðu náð sínu fram þá ríkti kyrrstaðan enn.

Á síðasta kjör­tíma­bili voru skila­boðin frá meiri­hlut­an­um í Reykja­vík, und­ir for­ystu Sam­fylk­ing­ar­inn­ar, að það væri ekki rétt­læt­an­legt að virkja meira. Síðasta rík­is­stjórn Sam­fylk­ing­ar­inn­ar gekk raun­ar þannig fram að hún breytti allri vinnu verk­efn­is­stjórn­ar um ramm­a­áætl­un og tók út álit­lega virkj­un­ar­kosti og þá sér­stak­lega vatns­afls­kosti og setti fjölda kosta í vernd. Einn þingmaður Sam­fylk­ing­ar­inn­ar, Kristján Möller, lýsti þess­um vinnu­brögðum þannig að verið væri að að eyðileggja ramm­a­áætl­un. Við sjálf­stæðis­menn vor­um sam­mála hon­um og börðumst gegn þess­um skemmd­ar­verk­um Sam­fylk­ing­ar­inn­ar en allt kom fyr­ir ekki.“

Guðlaugur Þór segir að kyrrstaða í orkumálum hafi verið rofin á síðasta kjörtímabili og ný ríkisstjórn sé því í öfundsverðri stöðu í upphafi kjörtímabil. Arftaki hans í embætti sé hins vegar að skreyta sig með stolnum fjöðrum:

„Staðreynd­in er sú að á síðasta kjör­tíma­bili var ára­löng kyrrstaða rof­in í orku­mál­um. Gríðarlega um­fangs­mik­il vinna átti sér stað varðandi ein­föld­un stofn­ana­skipu­lags og reglu­verks og grunn­ur var lagður að bjartri grænni framtíð í mála­flokkn­um.

Það er ekki stór­mann­legt af ráðherr­an­um að reyna að blekkja fólk með því að staðan og búið sem hann tek­ur nú við séu hans verk. Hver verður að fá að fljúga eins og hann er fiðraður, en verst er ef fjaðrirn­ar eru stoln­ar.“