Vilmundur Sigurðsson skrifar:
Ef þú svitnar í svefni, vaknar þreytt/ur og stirð/ur, finnur fyrir bólgum og húðvandamálum, Þá skalt þú lesa þetta!
Við vitum öll að lífræn matvara er miklu betri fyrir okkur en unnin matvara.
Hvers vegna?
M.a. vegna þess að í unna matvöru er bætt ýmsum aukaefnum sem innihalda oft skaðlegar nano agnir sem komast inn í blóðrás og valda þar truflun og hindrun á líkamsstarfsemi.
Hormónakerfi, taugakerfi og ofnæmiskerfi truflast og upp koma krónísk vandamál sem oft á tíðum leiða til veikinda,
Þarna spilar inn hversu hratt líkaminn getur hreinsað út skaðlegu efnin sem eru í matnum og það fer mikil orka í það.
Við sem erum með verra hreinsikerfi líðum mest fyrir inntöku á skaðlegum efnum og hjá okkur þá hefur líkaminn ekki undan að hreinsa út en vill samt koma þessum nano ögnum úr blóðrás svo að líkaminn geti starfað.
Hann fer þá að safna þessum skaðlegu efnum í bólgur og bjúg sem hleðst upp á einhverjum árum og veldur þannig ýmsum krónískum vandamálum og í mörgum tilfellum veikindum.
Þreyta, liðverkir, vöðvaverkir, húðvandamál ofl stafa af þessum bólgum.
Sykur eykur svo enn á bólgur og áfengi einnig. Teflon húð í pottum og pönnum losar einnig mengandi nano agnir.
Þessar útskýringar eru byggðar á lestri bókarinnar Hreint mataræði sem er skrifuð af bandarískum lækni og frumkvöðli í heildarnálgun varðandi sjúkdóma, Dr. Alejandro Junger, og er í þýðingu Guðrúnar Bergmann.
Í bókinni er því lýst á frábæran og nákvæman hátt í sambandi við rannsóknir á mataræði, hvernig nano mengunaragnir í blóðrás trufla líkamsstarfsemi, og það er almennt viðurkennt í fræðasamfélaginu.
En skyldi loftmengun virka á líkamann á svipaðan hátt og mengun í mat?
Svarið er já.
Vitað er að rakaskemmt húsnæði hefur slæm áhrif, þar er það varnargas myglunnar sem við öndum að okkur, skaðlegar nanoagnir sem komast beint í gegnum lungun og inn í blóðrás á sama hátt og nano agnir í mat og valda þar truflun.
Á sama hátt hefur önnur loftmengun sem inniheldur nano agnir slæm áhrif.
Umferðarmengun, flugeldamengun, eldgosamengun, mengandi útgufunarefni á vinnustað, sígarettureykingar, veip, arinneldur og sprittkerti ásamt fleiru hafa skaðleg áhrif þar sem mengandi nano agnir komast inn í líkama í gegnum lungu og þaðan inn í blóðrás og valda truflun og skaða.
En hvað með plastefni? Gefa þau frá sér loftmengun?
Svarið er já.
Plast er gert úr fjölda mengandi kemískra rokgjarnra efna sem þýðir að úr föstu efni losna nanoagnir stöðugt allan líftíman.
Plast inniheldur Þalöt sem hafa slæm áhrif á heilsu. Góðar útskýringar um skaðsemi Þalata og hvernig þau eru notuð til að mýkja plast er að finna á vef Umhverfisstofnunnar.
Eftir því sem plastið er mýkra þá eru notuð fleiri rokgjörn kemísk efni sem þýðir meiri útgufun. Því er einmitt lýst á vef Umhverfisstofnunnar hvernig meira af skaðlegum Þalötum er notað eftir því sem plast er gert mýkra og þau komast inn í líkamann í gegnum húð og öndunarfæri. Þar er svo upptalning á því hvaða vörur ber að varast sem innihalda mikið af Þalötum. Það sem vekur mikla athygli er að varan sem inniheldur mýksta plastið/svampinn og þ.a.l. mest af Þalötum, er ekki með í þessum lista? Sú vara sem við erum í nánustu snertingu við, í lengstan tíma, 8-16 tíma á sólarhring í viðkvæmu meðvitundarlausu endurheimtarástandi, rúmdýnan er alveg undanskilin í viðvörunum Umhverfisstofnunar Íslands!
Árið 2018 kom Danska Umhverfisstofnunin með yfirlýsingu um það eftir rannsókn að mjúkt plast í barna kreistileikföngum væri hættulegt og mæltist fyrir um það að þau yrðu fjarlægð úr herbergjum barna.
Bara það að hafa leikföngin í herbergjum væri hættulegt börnum.
„Við erum umkringd og umvafin plasti flestalla daga, hvort sem það er í matarpakkningum, raftækjum, dekkjum, húsgögnum eða fötum. Það sem meira er þá losar plastið frá sér örplast sem getur smogið næstum hvert sem er og fólk getur bæði gleypt og andað að sér.
Örplast hefur fundist í höfunum, drykkjar- og regnvatni, flögrandi um loftið og meira að segja í brjóstamjólk. Ekki nóg með að örplastið sé alls staðar heldur getur það tekið aldir fyrir það að brotna niður. Fyrir vikið eiga frumur sem sjá um að hreinsa burt rusl erfitt með að eyða örplastinu sem safnast þá upp í lífverum,“ skrifar Magnús Jockum Pálsson á visir.is og vísar í ítalska rannsókn um skaðsemi plasts.
Það er alveg augljóst að plast útgufun, mengandi nanoagnir sem loftmengun, komast inn í líkamann í gegnum húð og öndunarfæri og valda vandamálum í líkamskerfinu.
Rannsóknir sýna það!
Örplast er risa vandamál í heiminum í dag.
Efsta lag í rúmdýnum er oftast með mjúku plasti eða þrýstijafnandi plasti sem inniheldur allt að 60 skaðleg útgufunarefni og er eitt það mýksta sem til er og kallast svampur og er í allt að 95% allra rúmdýna sem eru í notkun á Íslandi og í tugum þúsunda „heilsukodda.“
Svampefnin gefa stöðugt frá sér mengandi nano agnir og þegar við liggjum í meira en 8 tíma sofandi í viðkvæmu viðgerðar ástandi umvafin mýksta skaðlegasta plastinu sem við getum almennt komist í tæri við þá hefur það margfalt skaðlegri áhrif en önnur plastefna mengun sem við verðum almennt fyrir.
Ég hef í 7 ár skoðað áhrif skaðlegrar svampefna útgufunnar í svefnvöru á fólk, talað við þúsundi Íslendinga um áhrif þess á svefninn og líkamsstarfsemi.
Það er alveg kristaltært í þessum samtölum og í 12000 manna Facebook hópnum „Er rúmið mitt að drepa mig!” að þúsundir Íslendinga hafa veikst, jafnvel alvarlega, af plastefnum í svefnvöru og náð aftur mun betri heilsu með því að skipta yfir í heilnæma ullarsvefnvöru.
Ég tala um ull vegna þess að plast virðist versta efnið í svefnvöru og ull virðist besta efnið til að hafa við líkamann í útivist og svefni, almennt.
Þúsundir Íslendinga eru líklega en veikir án þess að vita að ástæðan er svampefni í svefnvöru og ganga á milli ráðþrota lækna, um það eru til margar frásagnir.
Tugþúsundir Íslendinga eru líklega með krónísk vandamál sem má rekja til mengandi efna í svefnvöru, en erfitt er að greina það.
Best er að prófa að sofa í heilnæmri svefnvöru í nokkrar nætur og sjá hvort að manni líður betur á morgnana, minni stirðleiki, minni sviti í svefni, minni verkir og meiri orka yfir daginn.
Fólk finnur oftast mun á einungis nokkrum nóttum.
Eftir að hafa leiðbeint stórum hóp fólks úr svampefnum yfir í heilnæm ullarefni í rúmdýnum síðustu 6 ár með frábærum árangri þá gerðum við könnun með nafnleynd þar sem u.þ.b. 40 aðilar svöruðu spurningum sem fyrir þá voru lagðar. Hér er ein af spurningunum og svör frá ýmsum aðilum.
„Hvaða einkenni hafa breyst eða horfið eftir að skipt var um svefnvöru?“
– Hér máttu þátttakendur skrifa eigin svör.
– Set inn nokkur svör sem komu frá fólki sem hefur upplifað mikla breytingu á lífsgæðum.
„Svitinn horfinn og vellíðan að liggja á þessari dásemdardýnu”
„Öll einkenni lagast og krafturinn kominn aftur.”
„Þurrkur og pirringur farið”
„Sef alla nóttina og enginn pirringur í líkamanum eða sviði í andliti”
„Núna vakna ég ekki með þurr augu og stíflað nef. Er líka almennt orkumeiri”
„Öll einkenni er betri. Röddin er komin til baka, minna slím og hósti, auðveldara að anda, kem betur út í skoðun hjá lungnasérfræðingi“
„Einkenni sem eru horfin: Höfuðverkur, Liðverkir, Svimi, Ógleði, Tíð þvaglát, Þreyta, Mæði, Hósti“
„Öll einkenni horfið. Hættur að taka verkjalyf“
„Hvílist betur og er hætt að svitna“
„Tek ekki lengur verkjalyf. Ekki lengur með bakverki á hverjum degi, ekki lengur með höfuðverki og liðverki á hverjum degi. Hætt að svitna á næturnar“
„bakverkir lagast, mýkri líkami, suð í eyra minnkað til muna, neglur lagast, vöðvabólga minnkað mikið, augu lagast mikið“
„Hætt að svitna á næturnar. Vakna ekki með þrútin augu. Aldrei með verki í fótum og mjöðmum lengur. Hætt að nota krem á húðina vegna kláða. Hætt hjá sjúkraþjálfara og ekki misst úr dag í vinnu eftir að ég keypti nýju dýnuna“
Eins og sést á þessum svörum að þá urðu gríðarlegar bætingar á heilsu fólks bara við að fara úr svampefnum í dýnu og yfir í heilnæma ullardýnu.
Það er alveg á hreinu að hér er um mikinn eiturefnafaraldur að ræða sem verður að rannsaka og taka á.
Þar sem Umhverfisstofnun sýnir fram á það með vísan í rannsóknir að mjúkt plast í t.d. leikföngum sé skaðlegt heilsu barna, þá hlítur vara sem inniheldur miklu meira af skaðlegum Þalötum og við notum margfalt lengur þegar líkaminn er í endurheimt, rúmdýnan, að vera margfalt skaðlegri! Ég er að vísa í heimildir sem staðfesta það!
Mjúka plastleikfangið er tekið af barninu og það svo lagt til hvílu á plasti sem hefur margfalt skaðlegri áhrif, rúmdýnuna!
Þúsundir eru enn veikir og tugþúsundir með krónísk einkenni án þess að vita ástæðuna.
Það er óviðunandi ástand og lausnin er svo einföld ef bara læknar gætu leiðbeint sjúklingum til heilnæmrar svefnvöru.
Eiturefnamælingar hér á landi sem gerðar hafa verið að nóttu til í svefnherbergjum þar sem svampefna rúmdýnur eru og fólk sefur, sýna greinilega að eiturefnamengun á sér stað.
Ábyrgðaraðilar sem eiga að gæta heilsu okkar samkvæmt lögum, Landlæknir, Heilbrigðisráðherra, Umhverfisstofnun og Umhverfisráðherra ber skylda til þess að hefja rannsókn á veikindum þúsunda Íslendinga sem í flestum tilfellum eru ráðþrota.
Þetta kostar okkur miklar þjáningar og lífsgæða skerðingu ásamt miklum kostnaði fyrir þá sem veikjast og samfélagið í heild.
Líkaminn er í viðkvæmu veikindaástandi alla daga sem gerir okkur illa í stakk búin til að mæta álagi og áföllum. Margir verða næmari fyrir myglu t.d. sem er að valda heilmiklum vandamálum á vinnustöðum m.m.
Góður hópur lækna á Norðurlöndum er nú orðinn meðvitaður um mengandi svefnvöru ásamt öðrum umhverfisþáttum sem veikja okkur og getur hafið rannsóknir ef fjármagn fæst.
Við á Íslandi erum líklega að nota mest af mengandi svefnvöru í heiminum miðað við höfðatölu.
Við erum með vitneskju, veikindi og fagfólk sem getur framkvæmt rannsóknir sem munu verða leiðandi á heimsvísu, bæta líf fólks og spara okkur tugi milljarða á ári.
Nú vantar frumkvæði og vilja hjá yfirvöldum.
Það þarf að bregðast strax við til að hjálpa fólki sem þjáist!!!
Það er algjörlega galið að mest mengandi plast sé að finna í svefnvörunni, á okkar heilagasta stað, þar sem við liggjum meira en 1/3 af ævinni og reynum að endurheimta okkur eftir erfiða daga.
Í staðinn fyrir hámarks heilnæma endurheimt þá berjumst við það að hreinsa eiturefni úr líkamanum alla nóttina með því að svitna, vakna mörgum sinnum, pissa og drekka vatn.
Þetta er mjög alvarlegt ástand og tugir þúsunda Íslendinga eru á þessum stað.
Það að okkar mesti griðarstaður sé í raun okkar skaðlegasti, er bara svo ótrúlegt!
Við erum að horfa upp á eiturefnafaraldur sem verður að taka á strax!!!
Þetta hefur mjög skaðleg áhrif á fullorðna, að við tölum nú ekki um þau alvarlegu áhrif sem þetta hefur á þroska barna og mun skemma þeirra framtíðar lífsgæði um alla ævi!
Sú staðreynd að fræðasamfélagið viti svo lítið um mest notuðu vöru í heimi sem hefur mest áhrif í okkar viðkvæmasta ástandi er alveg ótrúlega galið og hreinlega fáránlegt að það sé staðreynd!
Við eigum ekki að þurfa að biðja kjörna fulltrúa okkar, eftirlitsaðila og ríkisstarfsmenn um hjálp í þessu máli, heldur er það skylda þeirra að bregðast við til að leiða þetta mál til lykta, fyrir fólkið í landinu!
Vitnisburður þúsunda Íslendinga sem náð hafa heilsu með mínum ráðleggingum styður við mitt mál og það er á vitnisburði sem lögregla byggir rannsóknir mála, það á þá eins við um eftirlitsaðila!
Á meðan ekkert er að gert þá þjást þúsundir Íslendinga að nauðsynjalausu, ómeðvitaðir um eiturefnin sem lúra í svefnvörunni og gera árás meðan við sofum!
Bandaríski Fjölfræðingurinn, Carl Sagan (1934-1996) sagði: “Einn dapurlegasti lærdómur sögunnar er þessi: Sé villt nógu lengi um fyrir okkur, býr um sig tilhneiging til að hafna sönnun þessa. Áhugi okkar á sannleikanum hverfur.”
Vilmundur Möller Sigurðsson, Rafeindavirkjameistari.
