Það var Trump sjálfur sem hóf umræðuna um Norður-Kóreu eftir að Sean Hannity, þáttastjórnandinn, hafði spurt hann út í hættuna sem stafar af Rússlandi, Íran og Kína.
Trump sagði að Íran skeri sig úr því þar sé það „öfgatrú“ sem ráði för.
„Ég skal nefna eitt dæmi. Kim Jong-un,“ sagði Trump og útskýrði síðan að hann hefði fundað með Barack Obama í Hvíta húsinu skömmu eftir að hann tók við völdum 2017. „Við sátum þarna og ég spurði hver væri stærsta ógnin. Það var Norður-Kórea. Og ég leysti það vandamál. Mér kom vel saman við Kim Jong-un. Hann er ekki öfgatrúarmaður. Hann er raunar mjög klár gæi. Kim Jong-un er mjög klár gæi,“ sagði Trump.
Þegar Hannity spurði hvort hann hafi í hyggju að setja sig í samband við Kim Jong-un aftur, stóð ekki á svari: „Já, það ætla ég að gera. Honum líkaði við mig og mér samdi vel við hann.“
