fbpx
Mánudagur 21.apríl 2025
EyjanFastir pennar

Óttar Guðmundsson skrifar: Assange

Eyjan
Laugardaginn 6. júlí 2024 06:00

Óttar Guðmundsson

Ekki missa af Helstu tíðindum dagsins í pósthólfið þitt

Lesa nánar

Frægasti fangi heims er loksins laus. Julian Assange losnaði á dögunum úr bresku fangelsi og samdi við amerísk yfirvöld um takmarkaða játningu. Dramatísk saga fær sólskinsendi. Íslendingar hafa mikinn áhuga á máli Assange enda telst hann samkvæmt gamalli málvenju vera Íslandsvinur.

Fjölmargir fagna þessum málalokum á netmiðlum. Í fagnaðarlátunum gleymist einkennilegur söguþráður þessa handrits. Bandarísk yfirvöld vildu hafa hendur í hári hans vegna ásakana um ólöglegar uppljóstranir á fyrsta áratugi aldarinnar. Assange gaf þeim langt nef og baðaði sig í eigin frægðarsól.

Hann var sakaður um að hafa nauðgað tveimur konum á fyrirlestraferð í Svíþjóð árið 2010. Gefin var út ákæra en hann neitaði sök. Svíar vildu fá kappann framseldan en hann valdi að sækja um pólitískt hæli í sendiráði Ekvator í London. Þar dvaldi hann í 6 ár í sjálfskipuðu stofufangelsi til að þurfa ekki að svara til saka í Stokkhólmi eða Bandaríkjunum. Sendiráðið var umsetið blaðamönnum og lögreglu enda hélt hann reglulega blaðamannafundi á svölum hússins. Brot hans í Svíþjóð fyrndust en yfirvöld í Ekvator vildu ekki þennan óboðna og fyrirferðarmikla gest og vísuðu honum á dyr.

Hann var handtekinn og sat í ensku fangelsi í 5 ár meðan þvargað var um kröfu bandarískra yfirvalda um framsal. Þessi langa innilokunarsaga byrjaði því með flótta undan ásökunum tveggja sænskra kvenna um kynferðislega misbeitingu. Báðar þessar konur urðu fyrir hatrammri hatursorðræðu og netárásum og fóru huldu höfði um tíma. Aðdáendur Assange hafa ákveðið að gleyma þessum ásökunum enda kasta þær óneitanlega skugga á hetjuímynd stjörnublaðamannsins.

Á síðustu árum hafa margir tónlistar- og íþróttamenn á Íslandi verið sakaðir um kynferðisbrot. Netsamfélagið hefur sammælst um að fyrirgefa ekki neitt og trúa viðkomandi þolendum án fyrirvara. Þeir sr. Jón og Jón eru gjörólíkir menn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 1 viku

María Rut Kristinsdóttir: Er ekki góð stemning?

María Rut Kristinsdóttir: Er ekki góð stemning?
EyjanFastir pennar
Fyrir 2 vikum

Björn Jón skrifar: Hið dularfulla og ljóðræna

Björn Jón skrifar: Hið dularfulla og ljóðræna
EyjanFastir pennar
Fyrir 2 vikum

Óttar Guðmundsson skrifar: Megas áttræður

Óttar Guðmundsson skrifar: Megas áttræður
EyjanFastir pennar
Fyrir 2 vikum

Thomas Möller skrifar: Framtíðin er björt hjá okkur, ef . . .

Thomas Möller skrifar: Framtíðin er björt hjá okkur, ef . . .
EyjanFastir pennar
Fyrir 2 vikum

Svarthöfði skrifar: Flís og bjálki – þar er efinn

Svarthöfði skrifar: Flís og bjálki – þar er efinn
EyjanFastir pennar
Fyrir 3 vikum

Svarthöfði skrifar: Skilningslaus ríkisstjórn – hver á núna að halda uppi húsnæðisverði á Íslandi?

Svarthöfði skrifar: Skilningslaus ríkisstjórn – hver á núna að halda uppi húsnæðisverði á Íslandi?
EyjanFastir pennar
Fyrir 3 vikum

María Rut Kristinsdóttir skrifar: Sporin hræða

María Rut Kristinsdóttir skrifar: Sporin hræða
EyjanFastir pennar
20.03.2025

Davíð Þór Björgvinsson skrifar: Ísland, NATO og varnarsamningurinn

Davíð Þór Björgvinsson skrifar: Ísland, NATO og varnarsamningurinn
EyjanFastir pennar
20.03.2025

Þorsteinn Pálsson skrifar: Varnir og viðskipti

Þorsteinn Pálsson skrifar: Varnir og viðskipti